Manila, 24 Outubru 2026 – Ministru Interiór, Francisco da Costa Guterres, Ph.D, hamutuk ho Líder AMMTC no reprezentante sira husi Estadu Membru ASEAN hotu, partisipa iha Reuniaun Ministeriál ASEAN ba Dala-20 kona-ba Krime Transnasionál (20th ASEAN Ministerial Meeting on Transnational Crime - AMMTC), ne'ebé hala'o iha Sidade Makati, Filipina, no mós liuhusi videoconference ne'e, hala'o diskusaun kooperasaun servisu durante loron tolu, hahú husi 19 to'o 21 Outubru 2026.
Iha reuniaun ne’e , Adjuntu Sekretáriu-Jerál ASEAN ba Komunidade Polítika-Seguransa ASEAN, Dato’ Astanah Abdul Aziz, marka prezensa hodi reprezenta Sekretariadu ASEAN iha enkontru refere.
Timor-Leste nia prezensa iha reuniaun ne’e
hanesan , kompromisu ida hodi servisu hamutuk ho Estadu Membru sira seluk hodi hafoun kooperasaun seguransa no foti asaun hasoru dezafiu sira.
Enkontru ne'e sai hanesan plataforma ho valor bo’ot hodi troka perspetiva, hametin koordenasaun, no promove abordajen koletiva ba promosaun pás, seguransa, no estabilidade rejionál.
Iha mós rezultadu balun husi AMMTC ba dala-20 ne'e, hanesan adosaun ba Relatóriu Rejionál ASEAN ba Dahuluk kona-ba Tráfiku Umanu, ne'ebé sai hanesan mekanizmu relatóriu dahuluk iha rejiaun laran ne'ebé dirije husi ASEAN rasik no bazeia ba konsensu kona-ba Trafficking in Persons (TIP).
Reuniaun ne'e mós aprova ona harii Sentru Formasaun Imigrasaun ASEAN (ASEAN Immigration Training Centre - AITC) no fó lisensa ba Fórum Divizaun Xefe Asuntu Konsulár nian, nu'udar subsidiáriu foun ida iha Reuniaun Diretór-Jerál Departamentu Migrasaun no Xefe Divizaun Asuntu Konsulár Ministériu Negósiu Estranjeiru ASEAN (DGICM) nia okos.
AMMTC ba dala-20 ne'e mós troka hanoin kona-ba tendénsia krime transnasionál foun sira, no haree fali progresu ba kooperasaun rejionál iha área inforsamentu lei nian.
Enkontru ne'e nota mós rezultadu sira husi Reuniaun Ofisiál Superiór ASEAN ba Dala-26 kona-ba Krime Transnasionál (SOMTC) no DGICM ba Dala-29, hamutuk ho sira-nia reuniaun relasionadu sira. #buy
Kréditu Fotografia: Departamentu Interiór no Governu Lokál (DILG) Repúblika Filipinas
