MI PARTISIPA IHA LORON ANIVERSÁRIU FUNDASAUN REPÚBLIKA POPULAR XINA

Dili, 28 setembru 2023 (SRP) – Ministru Interior (MI), Francisco da Costa Guterres, Ph.D, partisipa selebrasaun loron Aniversáriu Fundasaun Repúblika Popular Xina ba dala-74 ne’ebé hala’o iha resintu Embaixada Xina Aitarak Laran, Kinta feira, kalan.

Iha oportunidade ne’e, Prezidente Repúblika Dr. Ramos Horta, iha nia liafuan badak, lori timor oan hotu kongratula povu Xinez tomak ne’ebé maka selebra loron nasionál ida-ne’e.

Xefi Estadu iha esperansa katak nasaun rua ne’e kontinua koopera hamutuk nafatin, tanba relasuan bilaterál ho Xina abranje ona iha area barak hanesan, saúde, edukasaun, Defeza no seguransa.

Seremónia ne’e hetan partisipasaun mós husi membru Guvernu, Komandante das F-FDTL, Embaixadores, ofisiál diplomata, Almirante ofisiais naval sira, inklui ofisiais forsa defeza no PNTL nian. # (Bui/AX)