BEIJING, 08 Setembru 2026,SRPM- Ministru Interior Timor-Leste, Francisco da Costa Guterres, Ph.D, hamutuk ho delegasaun, hala’o reuniaun bilaterál ho Vise-Ministru Seguransa Públika Repúblika Populár Xina, Qi Yanjun, iha Xina Beijing.
Enkontru ne’e realiza ho objetivu hodi hametin relasaun bilaterál no diskute kooperasaun servisu iha área seguransa entre nasaun rua.
Iha biban ne’e, parte rua diskute kle’an kona-ba parseria estratéjiku iha área seguransa nian, ba iha Polísia Nasionál Timor-Leste.
Ministru Interior, Francisco da costa Guterres,Ph.D, salienta liutan katak, Governu Xina prontu hakarak apoiu Timor-Leste, liuhosi sira nia esperénsia organiza eventu internasionál sira, nune’e sira hakarak fahe koñesimentu no apoia Timor-Leste ba iha preparasaun ba Simeira ASEAN ne’ebé sei realiza iha tinan 2029.
Aleinde ne’e, MI informa katak, liuhosi diskusaun ne’e, Vise-Ministru Qi Yanjun mós konfirma katak, Governu Xina sei koopera hamutuk ho Governu Timo-Leste liuhosi Ministériu Interior hodi halo repatriasaun ba sidadaun Xinés sira ne’ebé envolve iha atividade Scam Center (krime cibernétiku) iha rai-laran depois de hetan medidas de koasaun hosi tribunal, nune’e bele lori fali sira ba sira-nia nasaun orijem no mós bele halo prosesu investigasaun ba sira.
Alem de Ida ne’e, iha encontro ne’e mós Governu Timor-Leste no Governu Xina Konkorda katak, kualker kooperasaun ne’ebé halo entre nasaun rua ne’e bazeia ba respeita mutua no benefisiu mutua entre nasaun rua.#Buy
#creditfoto_Delia
