Dili, 13 fevereiru 2024 (SRP) – Ministru Interior, Francisco da Costa Guterres, Ph.D, akompaña husi Xefi Gabinete Interinu, Paulo Asis hamutuk ho komandantes PNTL diskuti Lei Orgánika no Estatutu PNTL, ne’ebe hala’o iha Auditorium Sentru Formasaun Polísia, Comoro.
Iha diskursu, Ministru Interior hateten katak presiza tebes halo revizaun klean ba Lei Orgánika no Estatutu hodi fó kapasidade operasionál boot liu ba polísia ne’ebé efisiente iha ierarkia no iha difinisaun klaru kona-ba promosaun ba Polísia Nasionál Timor-Leste (PNTL) baze ba konsolidasaun hafoin tinan sanulu resin lima.
“Uluk ita la implementa depois lao no haree katak ita boot sira hahú konsolida, presija mós rona opinioens, depois tinan sanulu resin lima hahú reforma, dalan reforma presija haree liuhusi avaliasaun, husi lalaok instituisaun nian, presija rona mós imi-nia esperiénsia tanba buat balun hasoru durante implementasaun iha terrenu, esperiénsia hirak ne’e sai sasukat no sei revee fila fali tuir lei orgánika no estatutu PNTL 2009 nian “, esplika Ministru Francisco.
Tuir nia, Lei Orgánika PNTL nian tenke hanoin kona-ba realidade foun, no orienta polísia hodi integra ba sistema Integradu Seguransa Nasionál ne’ebé atu kria iha ámbitu Lei Seguransa Nasionál tuir estatutu pesoál.
“Diskusaun ne’e hodi diskuti kona-ba mudansa lei orgánika no estatutu PNTL, mudansa sira ne’e hato’o liuhusi ideia hodi tetu no haree hamutuk ida-ne’ebé mak loos, ida-ne’ebé mak laloos maibé hotu-hotu hato’o opiniaun nune’e parte guvernu sei haree antes hato’o ba Konsellu Ministru hodi foti desizaun”, akresenta.
Nia hatutan, IX Governu hakarak kria kondisaun ne’ebé diak hodi dezenvolve PNTL iha futuru.
“Husu ba komandante sira atu fó opinioens ne’ebé konstrutivu no inovativu hodi dezenvolve instituisaun ne’e sai diak liután tanba ida ne’e diak mos ba imi”, subliña.
Francisco, hatutan ho revizaun lei orgánika no estatutu ne’e sei haree liubá orgánika 2009 nian no sei uza hanesan baze hodi halo diskusoens para depois hamosu estrutura ida-ne’ebé mais simples maibé efetivu hodi hala’o servisu.
“Lei orgánika 2009 sei ajusta liuhusi opinioens foun ruma ne’ebé klaru liután para to’o tempu promosoens tenke promove bazeia lei estatutu ne’ebé estabelese nakait ba planu promosoens no antiguidade servisu”, tenik tan.
Nia dehan, promosoens mós konsidera ba kapasidade no méritu ne’ebé kada membru sira iha hodi bele konsolida Polísia Nasionál Timor-Leste tuir mós kontribuisaun ne’ebé sira halo iha terenu.
Nia argumenta, Polísia Nasionál Timor-Leste, ho abreviatura PNTL, forsa seguransa ida ne’ebé iha Misaun atu defende legalidade demokrátiku, garante seguransa sidadaun no bens nian no proteje direitu sidadaun nian tuir termu ne’ebé estabelese iha Konstituisaun no iha Lei sira. #(Charlie/Oser).
Dili, 13 fevereiru 2024 (SRP) – Ministru Interior, Francisco da Costa Guterres, Ph.D, akompaña husi Xefi Gabinete Interinu, Paulo Asis hamutuk ho komandantes PNTL diskuti Lei Orgánika no Estatutu PNTL, ne’ebe hala’o iha Auditorium Sentru Formasaun Polísia, Comoro.
Iha diskursu, Ministru Interior hateten katak presiza tebes halo revizaun klean ba Lei Orgánika no Estatutu hodi fó kapasidade operasionál boot liu ba polísia ne’ebé efisiente iha ierarkia no iha difinisaun klaru kona-ba promosaun ba Polísia Nasionál Timor-Leste (PNTL) baze ba konsolidasaun hafoin tinan sanulu resin lima.
“Uluk ita la implementa depois lao no haree katak ita boot sira hahú konsolida, presija mós rona opinioens, depois tinan sanulu resin lima hahú reforma, dalan reforma presija haree liuhusi avaliasaun, husi lalaok instituisaun nian, presija rona mós imi-nia esperiénsia tanba buat balun hasoru durante implementasaun iha terrenu, esperiénsia hirak ne’e sai sasukat no sei revee fila fali tuir lei orgánika no estatutu PNTL 2009 nian “, esplika Ministru Francisco.
Tuir nia, Lei Orgánika PNTL nian tenke hanoin kona-ba realidade foun, no orienta polísia hodi integra ba sistema Integradu Seguransa Nasionál ne’ebé atu kria iha ámbitu Lei Seguransa Nasionál tuir estatutu pesoál.
“Diskusaun ne’e hodi diskuti kona-ba mudansa lei orgánika no estatutu PNTL, mudansa sira ne’e hato’o liuhusi ideia hodi tetu no haree hamutuk ida-ne’ebé mak loos, ida-ne’ebé mak laloos maibé hotu-hotu hato’o opiniaun nune’e parte guvernu sei haree antes hato’o ba Konsellu Ministru hodi foti desizaun”, akresenta.
Nia hatutan, IX Governu hakarak kria kondisaun ne’ebé diak hodi dezenvolve PNTL iha futuru.
“Husu ba komandante sira atu fó opinioens ne’ebé konstrutivu no inovativu hodi dezenvolve instituisaun ne’e sai diak liután tanba ida ne’e diak mos ba imi”, subliña.
Francisco, hatutan ho revizaun lei orgánika no estatutu ne’e sei haree liubá orgánika 2009 nian no sei uza hanesan baze hodi halo diskusoens para depois hamosu estrutura ida-ne’ebé mais simples maibé efetivu hodi hala’o servisu.
“Lei orgánika 2009 sei ajusta liuhusi opinioens foun ruma ne’ebé klaru liután para to’o tempu promosoens tenke promove bazeia lei estatutu ne’ebé estabelese nakait ba planu promosoens no antiguidade servisu”, tenik tan.
Nia dehan, promosoens mós konsidera ba kapasidade no méritu ne’ebé kada membru sira iha hodi bele konsolida Polísia Nasionál Timor-Leste tuir mós kontribuisaun ne’ebé sira halo iha terenu.
Nia argumenta, Polísia Nasionál Timor-Leste, ho abreviatura PNTL, forsa seguransa ida ne’ebé iha Misaun atu defende legalidade demokrátiku, garante seguransa sidadaun no bens nian no proteje direitu sidadaun nian tuir termu ne’ebé estabelese iha Konstituisaun no iha Lei sira. #(Charlie/Oser).
