Dili, 14 dezembru 2023 (SRP) – Ministru Interior, Francisco da Costa Guterres, Ph.D, sai sasin iha serimónia asina akordu entre Autoridade Nasionál Petroleu (ANP) ho empreza ENI Timor-Leste hosi nasaun Italia nu’udar empreza boot ida iha mundu ne’ebé kontinua hatudu ninia interese ba poténsia balun iha tasi Timór.
Objetivu hosi akordu ne’e hodi halo estudu ba rekursu minerál iha bloku B iha tasi timór ne’ebé lokaliza besik kampu Greater Sunrise tanba iha indikasaun bo’ot ba produsaun mina no gas.
Akordu ne’e rasik nudar planu Guvernu nian atu halo explorasaun estudus no buka potensia seluk hodi komplementa dezenvolvimentu kampu greater sunrise. Enkuantu estudu refere sei halo ho durasaun tinan tolu hodi deskobre potensia seluk ne’ebé sei lori rendimentu ba estadu iha futuru.
Selebrasaun akordu ne’ebé hala’o iha Hotel Timor Dili ne’e asina hosi Prezidente ANP, Gualdino do Carmo da Silva no Diretór empreza Eni, Daniel Palermo, ho sasin hosi membru IX Governu, kompostu hosi Ministra Solidariedade Sosiál no Inkluzaun, Verónika das Dores, Ministru Petróleu no Rekursu Minerál, Francisco da Costa Monteiro, Ministru Planeamentu Investimentu no Estratéjiku, Gastão de Sousa no Ministru Interior, Francisco da Costa Guterres. # (Oscar/AX)
Ministru Interior foto hamutuk iha seremónia asina akordu entre Autoridade Nasionál Petroleu (ANP) ho empreza ENI Timor-Leste hosi nasaun Italia
