Dili, 05 Fevereiru 2024 (SRP) – Sekretáriu Estadu Protesaun Sivil (SEPS), Domingos Mariano Reis, husu funsionáriu sira atu mantein disiplina no profisionalizmu.
Sekretáriu Estadu Protesaun Sivil (SEPS), Domingos Mariano Reis, hato’o lia-hirak ne’e hafoin prezide seremónia Isar Bandeira Nasionál, semana dahuluk fulan fevereiru tinan 2024, iha Ministériu Interior, Vila-Verde Dili segunda ne’e.
Iha biban ne’e SEPS mós husu ba Gabinete Inspesaun Auditória no Diresaun sira iha Ministériu Interior atu responsabiliza ba asaun indisiplinar sira no ba dirijenti sira ne’ebé mak la disiplina, di’ak liu rezigna aan, hodi deskansa no fó oportunidade ba ema seluk.
“Funsionáriu Públiku tenke le’e mós estatutu funsaun públiku, lei no.8/2004, hodi hatene kna’ar servisu no dever hanesan ema funsionáriu, tenke uzu roupa ne’ebé formál. Tan ne’e husu ba funsionáriu ajentes no kazuais, mantein profisionalizmu iha Instituisaun, nafatin mós disiplina no obedese ba ordem superiór sira”, apela.
Governante ne’e afirma, sei foti asaun rigorozu hasoru
Seremónia ne’e konta ho prezensa husi Asesór nasionál, internasionál, kargus diresaun no xefia sira inklui funsionáriu sira husi Diresaun Jerál Administrasaun no Finansas, Diresaun Jerál Seguransa Prevensaun Konflitus, Diresaun Jerál Servisu Migrasaun, Bombeiros no seluk seluk tán.
