Díli, 13 fevereiru 2024 – Prokuradoria Distrital Primeira Instânsia Díli, fasilita formasaun ba investigador sira husi Komandu PNTL (Polisia Nasional Timor-Leste), Munisipiu Díli Kona-ba alterasaun foun Lei Kodigu Prosesu Penal (KPP).
Tuir nia, alterasaun ne’e vigora ona iha fulan agostu tinan 2023, tanba ne’e investigador sira presiza hatene hodi implementa iha terenu.
Iha Fatin hanesan Prokurador Luis Hernani Rangel, hateten PNTL nudar liman ain Ministeriu Publiku (MP) nian, tanba ne’e nia husu investigador sira presiza hatene klean kona-ba regras sira hodi halo investigasaun hosi inisiu to’o Tribunal.
Entretantu Prokurador Gustavo da Silva, reforsa alterasaun Kodigu Prosesu Penal ne’e hamosu tan artigu 116, hodi fo kompetensia makas ba Juiz, Ministériu Públiku, Defensor Públiku no Advogadu sira.
Formasaun ne’e hala’o durante loron ida tomak no partisipa husi Komandante Eskuadra, Xefe Investigador Inklui membru investigasaun kriminal sira iha Komandu PNTL Munisipiu Díli.
