Dili, 19 fevereiru 2024 (SRP) – Komandu Munisípiu Dili, liu hosi servisu informasaun Makikit, prende bebidas supelementu iha segunda dader loron 19/02/2024 mais a menus tuku 00:45 no asegura suspeitu joven mane 4 maka hanesan LSA (42), OGS (18), GM (34) no JS alias P (41) tanba hatama sasan ilegál hosi tasi iha área Palaka ne’ebe fronteira kedas ho Indonézia.
Durante halo atividade ne’e suspeitu sira uza kareta kamioneta ho marka Mitsubishi Fuso, numeru matrikula A.50058 ne’ebe kalan-kalan sira uza hodi fa’an ba loja no-mos merkadu sira seluk ne’ebe sai ona kliente.
Ekipa servisu sekreta ne’ebe halo vizilansia iha area refere halo kedas akompañamentu hosi fronteira mai to’o iha Dili, no identifika suspeitu sira halo hela transaksaun iha area Hudi Laran, Suku Bairo-Pite.
Ekipa Makikit kontatu kedas ba patrulla Esquadra PNTL Dom-Aleixo liu hosi ekipa Charly no Investigasaun Nasional ba kedas iha lokal krime hodi asegura evidensia maka hanesan Kratingdaeng hamutuk kaixa 211 iha kareta laran no-mos kaixa 70 iha loza laran.
Oras ne’e daudaun suspeitu detein hela iha sela polisia durante oras 72, hafoin sei kontinua halo prosesa ba Ministeriu publiku tanba PNTL nia dever maka kaptura no halo identifikasaun enkuantu ba kazu krime nia sei prosesa ba tribunal.
