Dili, 14 marsu 2024 (SRP) – Ministru Interior, Francisco da Costa Guterres, Ph.D, hamutuk ho Sekretariu Estadu Protesaun Sivíl (SEPS), Domingos Mariano Reis, partisipa iha sesaun Porto de Honra liu hosi serimónia cocktail ne’ebé oferese husi Ministru Negósius Estranjeirus no Kooperasaun (MNEK), Bendito dos Santos Freitas, iha ámbitu vizita Sekretariu Ezekutivu Comunidade dos Países da Língua Portuguesa (CPLP), Zacarias Albano da Costa, ne’ebé hetan konvite hosi Prezidente Repúblika no Primeiru-Ministru hodi mai atualiza servisu no situasaun atuál CPLP nian iha Timor-Leste.
Serimónia ne’ebé hala’o iha salaun Nobre MNEK ne’e, hetan prezensa hosi membru Guvernu, Korpu Diplomátika, Embaixadores akreditadu sira, Xefe Estadu Maior Jenerál FALINTIL -Forsa Defeza Timor-Leste (F-FDTL) Tenente Jenerál Domingos Raúl “Falur Rate Laek”, Komandante Komandu Pesoál no Formasaun PNTL, Superintendente Xefi, Arquimino Ramos, inklui dirjentes seniór sira husi MNEK nian. # (Char/Izu).
