MI ENKONTRU HO KARGU DIRESAUN NO XEFIA SIRA

Dili, 26 outubru 2023 (SRP) – Kinta feira ne’e, Ministru Interiór (MI), Francisco da Costa Guterres, Ph.D, hala’o enkontru ho kargu diresaun no xefia sira, iha salaun enkontru Servisu Migrasaun.

Objetivu husi enkontru hodi koalia kona-ba re-estruturasaun servisu administrasaun públika nian ne’ebé regula iha Dekretu Lei númeru 25/2016, 29 fulan junu iha Estatutu Funsaun Públika ne’ebé sita kona-ba rejime karreira kargus diresaun no xefia Administrasaun Públika.

Iha biban ne’e, orgaun superiór administrasaun públika ne’e informa no enkoraja kargus xefia sira nafatin hala’o serbisu ho profesionál maske iha tempu badak sei halo mudansa signifikativu tuir prinsípiu jerál administrasaun públika nian.

Asegura katak memoria sira instituisaun nian nafatin e depois kuandu halo mudansa bele organiza no respeita birokrasia no sei sebisu ho birokrata ne’ebé sistema iha ona tuir expetasaun instituisaun nian hodi atinji objetivu ne’ebé adekuadu.

Enkontru ne’e konta ho prezensa husi kargus diresaun no xefia sira inklui asesór sira.