Manatuto, 05 maiu 2024 (SRP) – Ministru Interior, Francisco da Costa Guterres, Ph.D, partisipa selebrasaun tinan 10 kooperasaun entre Munisipiu Manatuto-Republika Demokratika Timor-Leste no provinsia Hunan hosi Republika Popular Xina, ne’ebé akordu ne’e estabelese ona iha tinan 2014 liuba.
Iha biban ne’e Guvernu liu hosi Ministru Administrasaun Estatál, Tomás do Rosário Cabral no Vise Governadór Provínsia Hunan, Zhan Jian Fei, deklara tan komitmentu ida hodi fó kontinuidade ba programa ne’ebé hahú tiha ona iha tinan 2014, hodi hametin kooperasaun entre Hunan no Manatutu iha área agrikultura, ortikultura, pekuária, veterináriu no peska ba area komersial.
Marka mós prezensa iha serimonia ne’e envolve Primeiru Ministru (PM), Kayrala Xanana Gusmão, Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente, Francisco Kalbuadi Lay, Ministru Administrasaun Estatál, Tomás do Rosário Cabral, no Ministru Agrikultura no Peskas, Marcos da Cruz no-mos Prezidente Autoridade sira. #SRP
