Citrana, 28 novembru 2023 (SRP) – Diretora Jerál Servisu Migrasaun, Inspetora Xefi Polísia Adelaide da Rosa, sai hanesan Inspetora ba serimonia isar Bandeira hodi komemora loron proklamasaun independénsia ba 48 iha Suku Citrana, Sub-rejionál Nitibe, RAEOA.
Hafoin remata serimonia refere Diretora Jerál servisu Migrasaun, Inspetora Xefi Polísia Adelaide da Rosa, kontinua fó tomada de pose ba Xefi Suku, Xefi Aldeia eleitu ho delegadu no delegada sira iha fatin ne’ebé hanesan.
Ekipa Isar Bandeira Nasionál loron proklamasaun independénsia ba 48 iha Suku Citrana, Sub-rejionál Nitibe, RAEOA.
Iha okajiuan ne’e Diretora Jerál Migrasaun hetan akompañmentu husi Asesora Prevenesaun Konflitus Komunitaria DNPKK, Iria Mónica Savio, Komandante Eskuadra PNTL Nitebe, Inspetór Xefe Armando Pauf Sila no-mós Administradór Postu Teodoro Sila.
Iha oportunidade ne’e fahe mós fotografia Presidente da Repúblika, Jose Ramos Horta, Primeieu Ministru RDTL Kayrala Xanana Gusmao, no Ministru Estatál, Tomas Cabral ba Xefe Suco Eleito.
Partisipa iha seremónia ne’e maka hanesan Komunidade, estudante funsionárius hodi rona dereita Diskursu husi S. Exa. Prezidente Repúblika nian, Ita komemora ohin loron, aniversáriu 48 Ba Proklamasaun Unilaterál ba Repúblika Demokrática Timor-Leste nian. #Lou
