Dili, 09 janeiru 2024 (SRP) – Hafoin udan boót iha kapitál Dili rezulta estrada no valeta balun intupidu Ministru Interior, Fransisco Guterres, Ph.D, akompaña hosi Komandante Komandu PNTL Munisípiu Dili, Superintendente Xefi Polísia Orlando Gomes ho ekipa Bombeiros, hodi fase Estrada publiku ne’ebé nakonu ho tahu nurak iha area diresaun Balide nian entre Suku Mascarenhas no Suku Caicoli.
Iha biban ne’e Ministru Obras Públika (MOP), Samuel Marçal mós lidera ekipa ekipa IGE-ADI tun direita ho ekipamentu pezadu hodi normaliza hikas fatin risku ba dezastre sira iha Balide Raihun no Caicoli hodi suru sai raihenek no tahu ne’ebé nakonu iha estrada laran atu bé labele sobu uma komunidade nian.
Oras ne’e daudaun Ekipa MOP no IGE-ADI kontinua halo normalizasaun ba estrada iha área Kristu Rei Dili, Becora, no sei indentifika tán fatin balu ne’ebé sai risku ba indundasaun hodi normaliza hotu kedas. Enkuantu Ekipa Bombeiros mós kontinua tesi ai ne’ebé monu iha dalan klaran hodi fó espasu ba transporte públiku bele liu. #AX
