Nota Informativa:
Beijing, 09 Setembru 2026 – Ministru Interior, Francisco da Costa Guterres, Ph.D, akompaña husi Adidu Migrasaun Timor-Leste ba Xina, Mariano do Santos simu Vizita husi Adjuntu Diretór-Jerál Ministériu Seguransa Públika, Guan Zhao 官照, iha Lianyungan China, Kuarta-feira ne’e.
Iha enkontru ne’e, Adjuntu Diretór- Jerál hato’o , konvite ofisiál ba Ministru Interior hodi Partisipa iha Fórum Internasionál ba Kooperasaun Polisiamentu Big Data ASEAN entre Xina no Nasaun Viziñu sira, hahú husi loron 29-30 ne’ebé sei hala’o iha Provinsia Guizhou nian iha sidade Guiyang China.
Adjuntu Diretór Jerál hato’o katak, sira hakarak tebes prezensa Ministru Interior nian iha forum ne’e.
Ministru Interior, Francisco da Costa Guterres, Ph.D, iha biban ne’e hato’o katak, konvite ne’e hanesan onra bo’ot ida ba Timor-Leste. Tanba forum ne’e importante tebes ba dezenvolvimentu seguransa nian, liuliu iha kooperasaun internasionál hodi hamutuk kombate kestaun fraude, krime telekomunikasaun, no scam (burla/operasaun finanseira) ne’ebé sai dezafiu boot iha rejiaun laran.
Nune’e mak Ministru hato’o katak, nia parte fo garantia katak, Timor-Leste sei Partisipa iha Forum Ida. Tanba forum ne’e sei sai hanesan oportunidade ida ba Timor-Leste, hodi fahe nia esperénsia kona-ba kombate Krime Transnasionál sira nomós forum ne’e, sei sai hanesan meius kooperasaun ida ho China no Nasoens sira seluk hodi hamutuk Kombate krime sira nee.#buy
#credifoto_mey
