𝐌𝐈 𝐒𝐈𝐌𝐔 𝐕𝐈𝐙𝐈𝐓𝐀 𝐏𝐑𝐄𝐙𝐈𝐃𝐄𝐍𝐓𝐄 𝐈𝐍𝐒𝐓𝐈𝐓𝐔𝐓𝐔 𝐂𝐀𝐌𝐎̃𝐄𝐒 𝐇𝐎𝐃𝐈 𝐇𝐀𝐌𝐄𝐓𝐈𝐍 𝐊𝐎𝐎𝐏𝐄𝐑𝐀𝐒𝐀𝐔𝐍 𝐈𝐇𝐀 𝐀𝐑𝐄𝐀 𝐒𝐄𝐆𝐔𝐑𝐀𝐍𝐒𝐀 𝐈𝐍𝐓𝐄𝐑𝐍𝐀

Dili, 09 Maiu 2024 (SRP) – 𝐌𝐢𝐧𝐢𝐬𝐭𝐫𝐮 𝐈𝐧𝐭𝐞𝐫𝐢𝐨𝐫, 𝐅𝐫𝐚𝐧𝐜𝐢𝐬𝐜𝐨 𝐝𝐚 𝐂𝐨𝐬𝐭𝐚 𝐆𝐮𝐭𝐞𝐫𝐫𝐞𝐬, 𝐏𝐡.𝐃, simu vizita koortezia ida husi 𝐏𝐫𝐞𝐳𝐢𝐝𝐞𝐧𝐭𝐞 𝐈𝐧𝐬𝐭𝐢𝐭𝐮𝐭𝐮 𝐂𝐚𝐦𝐨̃𝐞𝐬, 𝐀𝐧𝐚 𝐏𝐚𝐮l𝐚 𝐅𝐞𝐫𝐧𝐚𝐧𝐝𝐞𝐬, ho nia komitiva, hodi ko’alia kona-ba kooperasaun servisu entre Timor-Leste ho Portugál, iha sala reuniaun MI, Vila-verde, Kinta-feira ne’e.

𝐅𝐫𝐚𝐧𝐜𝐢𝐬𝐜𝐨 𝐝𝐚 𝐂𝐨𝐬𝐭𝐚 𝐆𝐮𝐭𝐞𝐫𝐫𝐞𝐬, 𝐏𝐡.𝐃, hateten, Vizita ida ohin, hodi identifika área kooperasaun estratéjika iha área seguransa interna liu-liu konsidera área sira hanesan, formasaun ba PNTL em termu siénsia ba polísia sira no-mós formasaun báziku ba akademia Polísia.

“Institutu Camoes, hanesan Instituisaun ida ne’ebé mak Governu Portugés, fó fiar ba sira hodi bele jere kooperasaun portugés ho nasaun sira inklui mós Timor-Leste”, dehan Ministru Interior wainhira hetan entervista husi jornalista sira iha edifisíu Ministériu Interior, Vila-Verde, (09/05/2024).

Iha biban ne’e Ministru Interior mós husu apoiu ba iha área Migrasaun nian, tanba Governu portugés mós iha sistema ne’ebé mak di’ak, nune’e bele iha tékniku ida apoiu fali hodi mellora di’ak Servisu Migrasaun nian iha kontrolu fronteiras ne’e rasik.

Iha sorin seluk mós, Ministériu Interior ho Institu Camões ko’alia mós kona-ba Protesaun Sivíl, oinsá sira bele apoiu ba iha kestoens emerjénsia wainhira iha inundasaun ka dezastre naturais ruma. Tanba bombeiros hahú treinu uluk husi Governu Portugés sira husi tinan 2000 to’o mai agora.

“Ita hein sira-nia esbosu ida-ne’e, tanba Governu Portugués agora foin iha Governu foun, sira mós presiza hela períodu tranzisaun ida, hodi ajusta sira nia aan hanesan mós ita iha ne’e ho mudansa estrutura iha Ministériu sira” nia salienta.

Iha fatin hanesan 𝐏𝐫𝐞𝐳𝐢𝐝𝐞𝐧𝐭𝐞 𝐈𝐧𝐬𝐭𝐢𝐭𝐮𝐭𝐮 𝐂𝐚𝐦𝐨̃𝐞𝐬, 𝐀𝐧𝐚 𝐅𝐞𝐫𝐧𝐚𝐧𝐝𝐞𝐬 hateten, vizita ne’e hodi introduz kona-ba Programa Estratéjiku Kooperasaun – Portugal – Timor-Leste ba tinan 2024-2028, no identifika prioridade sira iha ámbitu kooperasaun estratéjika iha área seguransa interna liu-liu konsidera área sira hanesan, kapasitasaun rekursu umanu hodi fornese formasaun ba Polísia sira, Protesaun Sivíl no-mós dezenvolve planu prioridade estratéjiku nian ba tinan lima.

Ana Paula Fernandes salienta liután katak, hafoin halo diskusaun ho Ministru Interior iha parte administrasaun interna, sira mós konkorda no sei define esbosu ida hodi hato’o fali ba Governu portugés, nune’e bele hahú prosesu implementasaun kooperasaun ida-ne’e.

Vizita 𝐏𝐫𝐞𝐳𝐢𝐝𝐞𝐧𝐭𝐞 𝐂𝐚𝐦𝐨̃𝐞𝐬, 𝐀𝐧𝐚 𝐅𝐞𝐫𝐧𝐚𝐧𝐝𝐞𝐬 ne’e, hetan akompañamentu hosi ho Embaixadór Portugal mai Timor-Leste, Manuela Freitas Barios, Ofisiál Ligasaun Ministériu Administrasaun Interna iha Dili, Coronel GNR, Jóse Moises, Vise Prezidente Camões, Institutu Kooperasaun Lingua, IP, Ricardo Vitoria hamutuk ho nia tékniku Raquel Moreira. #SRP