Dili, 25 Janeiru 2024 (SRP) – Iha loron kinta ne’e, Komandante Jerál PNTL, Komisáriu Jerál, Henrique da Costa, hamutuk ho Segundu Komandante Jerál PNTL, Komisáriu Polísia Pedro Belo, hala’o enkontru ho Ministru Interior (MI), Francisco da Costa Guterres, Ph.D, iha eskritóriu ofisiál Ministériu Interior, hodi aprezenta kona-ba Proposta Kuadru Pesoál ba tinan 2024 nian hosi Komandu Polísia Nasionál Timor-Leste (PNTL) iha territóriu nasionál tomak.
Enkontru ne’e hetan akompañamentu hosi Komandante Komandu Operasaun PNTL, Superintendente Xefi Jose Soares, Komandante Komandu Pesoál no Formasaun, Superintendente Xefi, Arquimino Ramos, Komandante Komandu Administrasaun PNTL, Superintendente Xefi, Natercia Martins, inklui asesór nasionál no internasionál sira.
