Dili, 08 Fevereiru 2024 (SRP) – Prezidente Komisaun Reguladora Arte Marsiais (KRAM), Octavio da Conceicão, hamutuk ho ekipa hasoru malu ho Ministru Interior, Francisco da Costa Guterres, Ph.D, no Ministru Juventude Desportu Arte no Kultura, Nelyo Isac Sarmento, hodi aprezenta relatóriu refiskalizasaun ba GAM (Grupu Arte Marsiais) PSHT, IKS no KORK nian hamutuk 993, hodi rekomenda ba Governu atu foti desizaun.
“Ohin ita halo enkontru hamutuk hodi rona aprezentasaun hosi KRAM nian tanba wainhira Guvernu hasai rezolusaun hodi suspende atividades Arte Marsiais nian, Konsellu Ministru fó kedas kompeténsia ba Ministériu Interior no Ministériu Juventude no Desportu atu haree no halo fiskalizasaun no monitorizasaun hodi bele hatene lalaok atividades Arte Marsiais iha timor laran tomak”, esplika Francisco Guterres, ba jornalista sira iha Ministériu Interior, Vila-Verde, Kinta-feira ne’e.
Mininstru Interior Partisipa Konsellu Ministru iha Palasiu Governu
Nia subliña, Governu tinan ida-ne’e la apoiu fundus ba artes marsiais, maibé iha tinan hira liubá, iha apoiu husi Governu anterior, ba arte marsiais.
“Ba tinan ida-ne’e ita la apoiu fundus ba sira, tanba fundus ba Grupu Arte Marsiais mós teknikamente balu sei iha problemas, liu-liu ba iha relatóriu issue, to’o agora mós Governu seidauk simu relatóriu sira ne’e no buat hotu akumula ona iha relatóriu KRAM”, #(Bui/Riv/AX).
“Husi KRAM hato’o relatóriu ida, kona-ba fiskalizasaun ne’ebé mak halo durante tinan kotuk, kuandu governu hasai rezolusaun suspende atividades artes marsiais, tanba wainhira kuandu rezolusaun sai fó mandatu espesiál ida ba ami atu haree halo tok fiskalizasaun, halo mós monitorizasaun hodi hatene didi’ak kona-ba lala’ok aktividades arte marsial ninian”, deklara.
Ezekutivu ne’e informa durante tempu hirak ne’e, KRAM halo ona sira-nia fiskalizasaun bá sentrus, Eskolas, no mós klube sira ne’ebé prátika atividade artes marsiais iha territóriu timor laran tomak, hodi hatene kona-ba problema artes marsiál nian, hahú kedan husi sira-nia organizasoens to’o iha sentru treinamentu sira iha munisípiu sanulu resin ida.
“Ministru Interior ho ami haree hamutuk asuntu ne’e, para nune’e to’o tempu mai, oinsá halo analiza kle’an liután hodi bele hato’o ba governu kona-ba problema artes marsiais nian iha tempu seluk tuir mai” subliña.
Nelyo deklara, nia parte seidauk bele fó sai relatóriu hosi KRAM tanba sei halo analiza ba rekomendasoens ne’ebé iha.
“Ita seidauk fó sai relatóriu detallu maibé klaru katak rekomendasoens ne’e la halai husi aktividades Grupu Arte Marsiais nian. Kuandu prosesu lao di’ak, sira-nia atitude di’ak, Governu la bandu ba asosiasismu iha rai ida-ne’e, la bandu Asosiasaun sira atu harii iha nasaun ida-ne’e, ne’ebé depende ba sira-nia karakter organizasoens, no-mós sira-nia atitudes nu’udar membrus iha organizasoens”, afirma.
Nia subliña, Governu tinan ida-ne’e la apoiu fundus ba artes marsiais, maibé iha tinan hira liubá, iha apoiu husi Governu anterior, ba arte marsiais.
“Ba tinan ida-ne’e ita la apoiu fundus ba sira, tanba fundus ba Grupu Arte Marsiais mós teknikamente balu sei iha problemas, liu-liu ba iha relatóriu issue, to’o agora mós Governu seidauk simu relatóriu sira ne’e no buat hotu akumula ona iha relatóriu KRAM”, #(Bui/Riv/AX).
