𝐆𝐈𝐀 𝐇𝐀𝐋𝐎 𝐈𝐍𝐒𝐏𝐄𝐒𝐀𝐔𝐍 𝐁𝐀 𝐑𝐎 𝐒𝐔𝐙𝐔𝐊𝐈 𝟐 𝐌𝐎𝐋𝐎𝐊 𝐄𝐍𝐓𝐑𝐄𝐆𝐀 𝐁𝐀 𝐔𝐏𝐌

Dili, 09 Abril 2024 (SRP) -Ministériu interior liuhosi Gabineti Inspesaun Auditoria (GIA) halo Inspesaun ba Ro Patrolliamentu rua, ho marka Suzuki ne’ebé mak atribui hosi kompañia internasionál CROWN Unipesoál Lda, Tuir planu Ro refere atu entrega ba Polísia Nasionál Timor-Leste (PNTL) liuhosi Unidade Polísia Maritima (UPM) atu halo patrollia hodi asegura rikusoin tasi Timór.

Hafoin halo inspesaun Diretór Lojistika Ministériu interior Thobias Valentim Soares, deklara, kona-ba inspesaun Ró ne’e, ate ohin sira halo ona inspesaun ba dala lima ona, primeiru husi portu nia sorin mai iha Marítima, segundu unirain ba nia mesin rasik, ne’ebé mak sei iha problema ituan, depois terseiru sira koko iha mudansa oituan, terseiru ne’e ita la’o ona ho tékniku monta mesin Suzuki, nain mai husi Surabaya, ne’ebé konsege mai, buat ne’ebé durante sai preokupasaun ajénsia no Ministériu rasik bele rezolve iha ne’ebá.

”Etapa kuatru mak horseik Ita nainhira, inklui husi média, Gia rasik, reprezenta husi adjuntu Gia no asesór tékniku Gia nian, no-mós komandante UPM rasik, Ita akompaña katak horseik ne’e lao normál ona, ohin loron ikus, ba Ita atu halo inspesaun ba ekipa Lojistika, ekipa ne’ebé atu suporta ba Ró nia laran, asesoris Ró ne’e rasik, ne’ebé sei iha buat balun ne’ebé mak sei falta” informa diretór Tobias Soares ba SRP iha Unidade Polísia Marítima (UPM) Lecidere Dili Tersa ne’e.

“Husi lojistika Ministériu nian, Ita sei fó tempu ba kompañia, maibé kompañia mós tenki termina tempu deadline bazeia ba buat ne’ebé mak sei falta, no husi kompañia rasik sei halo akta deklarasaun ida para justifika katak, iha tempu ne’ebé determina ne’e, sasán entrega mai Ministériu ka Ajensia, antes Ita halo guia de entrega, iha dia 15 loron segunda ne’ebé sai loron tentativa ba superiór másimu iha Ministériu atu nune’e antes de entrega mais ou menus ne’e, buat hotu loos hotu ona” tenik nia.

“Tuir inspesaun no justifikasaun iha checklist ne’e kuaze items iha 7 ka 8 hanesan ne’e, ne’ebé hanesan ohin esplika ona, Ita sei fó tempu ba kompañia no kompañia deklara katak sasán sira ne’e iha dalan klaran atu mai iha ne’e, hanesan ohin Ha’u hateten, Ita sei husu karta justifikasaun husi kompañia rasik tenki determina deadline, no sasán fiksu tenki entrega mai Ministériu no Ajensia, antes guia de entrega, ida-ne’e mak Ita bele hato’o ba” diretór ne’e fundamenta.

Iha fatin hanesan, Komandante Unidade Polísia Marítima, Superintendente Xefe, Eugenio Pereirra, hateten, daudaun Unidade Polísia Marítima, hetan ona apoiu husi governu Timor-Leste ninian, ne’ebé maka kontinua apoiu ba iha Unidade polísia Marítima ninian, liu-liu kona-ba atividade operasoins ba Unidade Marítima hodi haree ba aktividade vijilánsia iha area kosteira.

Komandante Unidade Polísia Maritima, ne’e afirma, iha ninia nesesidade operasoins ida-ne’e, governu toma iha ninia konsiderasaun, oinsá mak atu bele fó apoiu ba UPM hodi haree, tamba ne’e mak liuhusi orsamentu jerál estadu ninian, governu aloka ona, no liuhusi prosesu ne’ebé mak rigorozu teb-tebes, tama mai iha kompeténsia Ministériu Interior ninian, hodi haree ba nia prosesu tenderizasaun sira.

“Prosesu inspesaun lao, kuaze ho ninia faze ne’ebé mak hanesan ohin Ami dehan rigorozu mós, hodi haree kondisoins Ró, atu ba iha ninia asesoris, para atu bele kumpri dunik ba iha kontratu ne’ebé mak iha ona ninia konkordánsia entre governu liuhusi Ministériu Interior ho kompañia ne’ebé hetan fiar, no entantu liuhusi prosesu sira ne’e hotu, hatudu duni ninia indikasaun, ne’ebé mak depois liuhusi ekipa ne’e sei aprezenta ba Ministéru Interior, atu bele hetan ninia desizaun no tuir planu ne’ebé mai husi komandu” komandante UPM ne’e fundamenta.

Tuir nia kona-ba asuntu tékniku ninian, hanesan komandu UPM, liuhusi informasaun ne’ebé aprezenta husi nia membru sira, ne’ebé orienta liu-ba asuntu tékniku la iha dúvida.

“Konforme sira-nia aprezentasaun, husi ekipa inspensaun mós rona, asiste direitamente saida maka aprezenta husi ekipa tékniku, liu-liu sira ne’e mak iha ninia abilidade atu halo operasoins ba iha Ró. Sira fó sira-nia pontu de vista, observasaun, konforme sira-nia esperiénsia no sira-nia matenek, sira iha sira-nia observasaun ne’ebé pozitivu, no sira la iha dúvida, no entantu sira hato’o rekomendasaun balun ba iha ekipa inspesaun sira, ne’ebé ke prosesa sira ninia rekomendasaun sira-ne’e ba iha prosesu tuir mai” nia salienta.

Husi sorin seluk, reprezentante Kompañia CROWN Unipesoál Lda, Doni Banardy, Informa, iha item balun ne’ebé seidauk kompleta dadaun ne’e tuir ona dalan atu mai Timor no garante katak item hirak ne’e sei to’o Timor molok Governu entrega ba UPM.

“Iha item balu mak seidauk to’o, maibé item balun ne’e bela iha daudaun ne’e iha ona dalan atu mai Timor Leste, Ita espera antes entrega sasán hirak ne’e kompletu ona Ita sei esforsu para to’o lalais ”dehan Doni durante Inspesaun ba Ro UPM rua ne’e, iha aktividades servisu ne’e akompaña husi Diretor Lojistika Ministériu Interior, Adjuntu Gabineti Inspesaun Auditória inklui asesór tékniku no membru UPM sira. #SRP