𝐒𝐄𝐑𝐈𝐌𝐎́𝐍𝐈𝐀 𝐋𝐀𝐍𝐒𝐀𝐌𝐄𝐍𝐓𝐔 𝐎𝐅𝐈𝐒𝐈𝐀́𝐋 𝐅𝐀𝐓𝐔𝐊 𝐃𝐀𝐇𝐔𝐋𝐔𝐊 𝐁𝐀 𝐊𝐎𝐍𝐒𝐓𝐑𝐔𝐒𝐀𝐔𝐍 𝐅𝐎𝐔𝐍𝐄𝐒𝐊𝐔𝐀𝐃𝐑𝐀 𝐏𝐍𝐓𝐋 𝐇𝐀𝐓𝐔𝐋𝐈𝐀-𝐁 

Dili, 27 setembru 2025 (SRP) – Ministru Interior (MI), Francisco da Costa Guterres, Ph.D, akompañadu husi Komandante Jerál PNTL, Komisáriu Polisia Henrique da Costa, hala’o Lansamentu Ofisiál Fatuk Dahuluk ba Konstrusaun Foun Eskruadra PNTL Postu Hatulia-B, Munisípiu Ermera, ne’ebé reprezenta konstrusaun foun ba Eskuadra iha terrtióriu laran tomak.

Ministru Interior (MI), Francisco da Costa Guterres, Ph.D, hateten, Eskuadra ida ne’e  sai hanesan modelu Eskuadra ne’ebé harii iha Timor laran tomak, no sei  lansa tiha ida ne’e  sei kontinua halo tan iha parte Lospalos nian no iha munisipiu sira seluk.

Governante ne’e, apresia no agradese  ba Komunidade no Líder Komunitaria Postu Hatulia B  no joventude sira hotu, bele ajuda no tau matan ba konstrusaun nee. Nune’e mós bele fo fatin hodi harii eskuadra tipu C ba iha PNTL iha Hatulia nee.

Nia salienta liutan katak, tanba uma ida nee importante tebes ba Polisia sira hodi halo servisu. bainhira koloka sira mai iha nee presiza buat ruma bele konsulta ho sira, kria kondisaun ba sira,  nune’e seguransa sira hela iha Hatulia B nee bele halao servisu ho hakmatek no halo atividade produtivu.

“Iha ne’e ita servisu hamutuk ho Ministeriu importante rua ida Ministériu Obras Publika ,Ministeriu Planeamentu Estratejiku (MPE), ADN CNA no SGP sira nain-3 ne’e importante ba ita tanba iha prosesu harii uma sira ne’e tenke liu husi sira, ajuda tebes asegura konaba prosesu administrasaun tomak too ita mai lansamentu fatuk dahuluk ba konstrusaun eskuadra ne’e”, dehan MI iha ninian diskursu, iha lansamentu Fatuk dahuluk ba Eskuadra PNTL Hatulia-B,(27/09/2025).

Ezekutivu ne’e afirma, iha Hatulia B mos sei harii tan projetu ida Hanaran “Kazerna” no sei hala’o hamutuk sanulu resin rua (12) ba membru Polisia sira ne’ebé servisu iha Munisípiu sira hodi hela ba. tanba sira ne’ebé atu mai servisu iha ne’e, laos deit Hatulia B nia oan maibé husi munisipiu sira seluk mos, sira mai tenke lori mos ho familia tanba ne’e fasilita hela hela uma ba sira.

Governante ne’e nia parte husu ba kompaña  bele mai husi neebe deit, projetu nasionál iha hela MPE maibé mai iha nee tenke mos kolabora ho  jovem sira ba  iha konstrusaun nee.

Enkuantu Prezidente Autoriedade Munisípiu Ermera, Jose Martinho dos Santos, agradese ba Governu bele lansa ona fatuduluk ba Eskuadra Hatulia B, hodi nune’e bele garante servisu Seguransa nian bele la’o ho di’ak iha Postu ida ne’e. Tanba Postu Hatulia B ne’e, Postu foun ida, ne’ebé kompostu husi Suku 5.

“Ami hein katak, Ho konstrusaun ida ne’e, bele garante Seguransa ba iha dezenvolvimentu Postu ida ne’e”. Nia hateten.

Lansamentu Fatuk Dahuluk ba Konstrusaun Esquadra PNTL Tipu C, ne’e parte ida husi Programa IX Governu Konstitusional neʼebé mak hetan aprovasaun husi Parlamentu Nasional. Tanba ne’e, Ministério  do Interior hanesan Nain ba Projeto, liu husi nia equipa Tekniko Ministerio nian, prepara dejenho no BoQ. apresenta ba MoP no hetan aprovasaun husi ADN no ikus Ministru  Interior, apresenta iha reuniaun CAFI diskuti no hetan aprovasaun no alokasaun OGE iha tinan fiscal 2025 Liu tiha ida ne’e, parte tekniku no aprovisionamentu Ministerio Interior kontinua servisu hamutuk ho CNA hodi loke prosesu aprovisionamentu.#Buy