๐๐๐๐, ๐๐ ๐ฃ๐๐ง๐๐ข๐ซ๐ฎ ๐๐๐๐ (๐๐๐) โ Pontu Vokรกl hosi Instituisaun oi-oin hamutuk 16 inklui ho Internasionรกl Organization Migration (IOM sigla Inglรฉs), hahรบ halo diskusaun kona-ba planu implementasaun programa United Nations Office of Counter Terrorism (UNOCT) iha Timor-Leste.
Asuntu neโe hatoโo hosi Xefe Gabinete Diresaun Jerรกl Servisu Migrasaun Miguel da Costa ba SRP-MI hafoin halaโo diskusaun ho pontu Vokรกl hosi Instituisaun 16 IOM no mรณs UNOCT iha otel Novu Turizmu, kuarta ohin.
Atividade ohin loron nian UNOCT sira mai iha neโe atu halo konsultasaun Nasionรกl kona-ba implementasaun programa API (Advance Passanger Information, sigla Inglรฉs) and PNR (Passanger Name Record, sigla Inglรฉs).
Iha loron dahuluk neโe partisipa hosi instituisaun 16 hamutuk ho IOM neโebรฉ ke partisipa neโe, atu simu informasaun kona-ba baze legรกl saida deit mak ita tenke prepara atu bele implementa programa API no PNR iha Timor-Lesteโ tenik nia
Aban halo enkontru konsultasaun Nasionรกl neโe sei partisipa husi Ministru Interior no Embaixadรณr sira atu nuneโe bele hatene klean kona-ba saida deโit mak Timor-Leste tenke prepara ba programa rua neโe.
Nia informa instituisaun sira neโe mak hanesan, PDHJ, UPF, SNI, Unidade Informasaun Finance, MJ, Interpol AACTL, ANC, Aero Dili, Citilink, Aero Dili no seluk tan. # Charlly /Rival / Izu
