𝐌𝐈 𝐊𝐎𝐍𝐓𝐈𝐍𝐔𝐀 𝐄𝐍𝐊𝐎𝐍𝐓𝐑𝐔 𝐇𝐎 𝐔𝐍𝐃𝐏 𝐍𝐎 𝐊𝐎𝐈𝐊𝐀

𝐃𝐢𝐥𝐢, 𝟏𝟑 𝐉𝐚𝐧𝐞𝐢𝐫𝐮 𝟐𝟎𝟐𝟓 (𝐒𝐑𝐏) – Ministru interior Francisco da Costa Guterres halo’o enkontru ho (United Nation Development Program – sigla ingles) UNDP no (Korea International Cooperation Agency) KOIKA iha salaun Migrasaun Vila Verde.

Objetivu husi enkontru ida-ne’e, Ministru Interior Francisco da Costa Guterres kontinua diskute kona-ba parseria entre ekipa husi UNDP no KOIKA.

Hafoin remata enkontru, reprezentante deputy rezidente UNDP Carrier Adeline kontenti no agradese ho enkontru ida-ne’e, tanba lao ho di’ak tebes.

“Ami hala’o sorumutuk ofisiál ida-ne’e ho ekselensia Ministru Interior, hodi diskute kona-ba parseria entre UNDP, KOIKA, ministériu interior no Polísia Nasionál Timor-Leste, atu habelar kapasidade Polísia Nasionál nian, prevensaun konflitu, okaziaun sosiál, krime siber, krime finanseiru, nune’e ami kontente atu diskute kona-ba parseria ida-ne’e, no oinsá ami bele habelar kapasidade Polísia Nasionál nian, no-mós ho orgullu atu habelar oportunidade sosiál entre komunidade timor-oan sira” dehan Reprezentante Deputy Rezidente UNDP Carrier Adeline, vila verde 13/01/2025.

Iha enkontru ida-ne’e, partisipa husi ekipa UNDP no KOIKA. #Rival/ Charly