Díli, 25 jullu 2023 – Tersa feira ne’e, Ministru Interior (MI), Francisco da Costa Guterres, Ph.D, akompaña husi Sekretáriu Estadu Protesaun Sivíl (SEPS), Domingos Mariano Reis, hala’o enkontru ho Diretores Jerais no Diretór Nasionál sira husi diresaun tomak hanesan PNTL, Protesaun sivil, Migrasaun inklui Diresaun Finansas, Aprovizionamentu no Xefi Departamentu sira, iha salaun enkontru Ministériu Interior, Vila-Verde.
Objetivu hosi reuniaun ne’e hodi halo preparasaun Orsamentu Retifikativu no Orsamentu Jerál Estadu (OJE) 2024, tanba iha tempu badak IX Governu sei aprezenta ba Parlamentu Nasionál.
Enkontru ne’e envolve mós Komandante Jerál PNTL, Komisáriu Jerál Polísia Henrique da Costa, Diretór Jerál Administrasaun Finansas, Mariano de Araujo, Inspetora Gabinete Inspesaun no Auditoria, Benvida Freitas, Prezidente APC, Superientendente Polísia Ismael da Costa Babo, Komandante Komandu Adminstrasaun PNTL Superintendente Xefe Polísia Natercia Eufrasia Soares Martins, inklui xefe Departamentu sira hosi Ministériu Interior. # Ekipa Media-MI
