Dili, 27 jullu 2023 (SRP) –Ministru Interior (MI), Francisco da Costa Guterres, Ph.D, hetan akompañamentu hosi Sekretáriu Estadu Protesaun Sivil, Domingos Mariano Reis, hala’o enkontru ho Komandante Jeral PNTL, Komisariu Jeral Henrique da Costa, no Segundu Komandante Jeral Komisariu Pedro Belo, hodi koalia kona-ba modernizasaun iha instituisaun PNTL.
Hafoin remata enkontru ne’e Ministru Interior mos halo kedas vizita badak ba Sentru Integradu Jestaun Informasaun no Invetigasaun Kriminál PNTL nian hodi hare besik mini laboratoriu ne’ebe durante ne’e uza hodi fasilita Departamentu Investigasaun Kriminal Nasional (DIKN), halao kna’ar iha area investigasaun kriminal nian.
“Ohin ita mai hare’e direta kondisoens servisu ba iha sentru operasaun polisia ninian hare mos situasaun iha labortoriu PNTL nian nune’e ita bele kria kondisaun diak tanba sentru operasaun ne’e presiza investe ekipamentus balun atu apoiu nafatin sira iha sira nia servisu hodi halo kontrolu no prevensaun ba krime sira, nune’e bele eleva tan sira nia kapasidade hodi responde ba situasaun sira agora ne’e”, esplika Francisco Guterres, ba jornalista sira iha Kurtel Jeral PNTL, Caicoli, kinta (27/07/2023).
Nia dehan, ekipamentu sira ne’ebe instala iha iha sentru integradu ne’e hetan apoia hosi Guvernu Australia liu hosi parseria TLPDP.
“Ho ha’u nia vizita ida ne’e, fo hanoin ida ba ha’u hodi ba relata ba Primeiru-Ministru oinsa bele eleva tan kapasidade, investe tan servisu hamutuk ho Governu Australia no-mos parseria dezenvolvimentu sira seluk nune’e bele fasilita moderniza ita nia sistema nune’e sira bele hala’o kna’ar inportante iha area investigasaun kriminal nian no-mos ajuda atu halo ezaminasaun ba kazu sira ne’ebe delega hosi Ministeriu Publik” nia afirma.
Entretantu, mini laboratóriu forensik ne’e bele fasilita ezaminasaun balistiku, ezaminasaun finger printing, ezaminasaun toxicologia (veneno), ezaminasaun dokumentus no ezaminasaun seluk ne’ebé
presija apoiu laboratóriu hodi buka evidénsia.
presija apoiu laboratóriu hodi buka evidénsia.
“Ita sei halo esforsu liu hosi parseria sira hodi buka tulun hodi moderniza ita nia sistema, tanba durante ne’e ita sempre haruka sampel ba rai liur atu halo teste laboratoriu ne’ebé gasta osan barak no tempu ne’ebe naruk maibé seidauk iha serteja ba rejultadu tanba ne‘e maka ita halo esforsu no posibilidade hotu-hotu atu halo ezaminasaun iha timor tuir ita-nia ekipamentu no rekursu humanu ne’ebé
maka iha”, salienta.
maka iha”, salienta.
Governante ne’e hatutan sei servisu hamutuk nafatin ho parseiru sira hodi apoia tan ekipamentus no fó tan formasaun hodi kapasita Rekursu Umanu ne’ebé iha hodi sira hala’o servisu ho di’ak liutan.
Mini laboratóriu ne’e konstrui ho apoiu finanseru no tékniku husi parseiru Timor-Leste Police Development Program (TLPDP). Iha tinan kotuk no laboratóriu ne’e iha ekipamentu ne’ebe maka PNTL simu husi doadór sira hanesan governu Australia, Korea, Xina inklui Governu Estadus Unidus Amerika. # Ekiapa Media-MI.
