MI HALO AUDIÉNSIA HO PREZIDENTE KOMISAUN B PARLAMENTU NASIONÁL

Dili, 19 janeiru 2023 (SRP) – Ministru Interior, Francisco da Costa, Ph.D, akompaña husi Diretór Jerál Servisu Migrasaun, Inspetora Xefi Polísia Adelaide da Rosa, no-mos prezidente Komisaun Luta Anti Tráfiku Umanu (KLATU), halo audénsia Públiku ho deputadu sira iha komisaun B Parlamentu Nasionál, ne’ebé trata asuntu Negosiu Estranjeiru, Kooperasaun, Defeza no Seguransa.

Asuntu sentral ne’ebe koalia iha audensia ne’e maka parte rua tau hamutuk hanoin hodi halo diskusaun no analiza kona-ba situasaun seguransa iha territóriu nasionál nune’e bele hetan rekomendasaun husi instituisaun hirak ne’e hodi garante seguransa no estabilidade ba povu rai ida ne’e.

Durante sesaun ne’e aprezenta mos mekanismu prevensaun konflitu iha rai laran, tráfiku umanu ne’ebé envolve vítima estranjeiru no doméstiku sira, haforsa jestaun konftolu fronteira no-mos programa prinsipál sira ne’ebé sei implementa iha tinan oin. # (Riv/Meta/AX)