Atabae, 13 dezembru 2023 (SRP) – Hafoin durante semana tolu nia laran aprende iha teoria, formandus 269 foun hosi Diresaun Nasional Prevensaun Konflitu Komunitaria (DNPKK) kontinua aprende Role Play kona-ba pratika mediasaun ho objetivu atu hare liu ba mediador sira nia atendementu hodi sai referensia no-mos solusiona kazu ne’ebe sira hasoru iha terenu.
“Ho aula prátika, ita fiar katak iha duni oportunidade ba formandu sira atu esplora sira-nia kapasidade, dezenvolve sıra-nia abilidade no hamosu inovasaun atu deskobre no intende diak liu sira nia knar. Nune’e de’it mak métodu ida-ne’e ita aplika hodi kontribui ba melloramentu kualidade atendimentu ba komunidade sira wainhira hasoru problema konflitu ruma iha ita-nia rai doben Timor-Leste”, esplika Carmen Ribeiro, hafoin remata formasaun ne’e iha Sentru Treinamentu 1° Sargento Aquelis da Silva-Rairobo, Postu-Administrativu Atabae, Munisípiu Bobonaro.
Formandu sira rona hela materia husi oradór iha Rairobo
Tuir nia, métodu role play barak ona mak dezenvolvidu tebes tanba utiliza paradigma foun ho estratéjia aproximasaun integradu hodi aprende no fahe esperiénsia ba malu liu-liu suporta mitigasaun konflitu, prevensaun konflitu no harii-pás.
“Ohin ita fahe sira ba grupu tolu hodi aprende introdusaun báziku kona-ba relatóriu planu atividade no-mós oinsá
mak atu rezolve konflitu ne’ebé parte rua ka liu hasoru malu liuhusi diskusaun neébe livre hodi hatene objetivu komún no asuntu sira ne’ebé konkorda husi parte konflitu.
mak atu rezolve konflitu ne’ebé parte rua ka liu hasoru malu liuhusi diskusaun neébe livre hodi hatene objetivu komún no asuntu sira ne’ebé konkorda husi parte konflitu.
Entaun mediador ne’ebé servisu atu fasilita diálogu ida presiza atu manan fiar husi parte sira ne’ebé involve iha konflitu nune’e bele halibur dadus no informasaun husi parte konflitu no komponente xafe sira hanesan autoridade lokál no polisia sira”, fundamenta.
Carmen hatutan, mediasaun ajuda atu estabelese komunikasaun entre parte ka grupu ne’ebé kontra malu (iha konflitu), sei ajuda sira atu foka liuba problema nia hun no mós bele identifika solusaun ne’ebé parte hotu sei aseita no mai duni husi parte rua ne’e.
Ekipa mediadór sei uza mediasaun hanesan dalan ida atu troka ideas hodi buka solusaun ne’ebé ema ka parte hotu sei simu malu hodi rezolve sira nia problema ho dame liuhusi diskusaun. # (Fatinha/Elisa/AX).
