KOMISÁRIU FUNSAUN PÚBLIKA FÓ PALESTRA KONA-BA LEJISLASAUN FUNSAUN PÚBLIKA BA FUNSIONÁRIU KAZUAIS IHA RAIROBO

Atabae -loron 2 fulan dezembru 2023 (SRP) Komisáriu Komisaun Funsaun Públika (KFP), José Telo Soares Cristovão akompaña husi Diretór Belizario Rafael Magno Pereira, Asesór legál KFP no ekipa tékniku fó palestra kona-ba lejislasaun Funsaun Públika ba formandu kazuais iha Rairobo.

Objetivu husi formasaun integradu atu prepara no kapasita mediadores hirak nee hodi bele iha koñesementu adekuadu wainhira hala’o sira-nia kna’ar nu’udar mediadór ba prevensaun konflitu iha munisípiu, postu no suku sira iha territóriu nasionál.

Iha biban ne’e, Komisáriu KFP José Telo Soares Cristóvão espelika kona-ba listajen lejislasaun jerál, lei númeru 5/2009, 15 jullu, lei númeru 7/2009, 15 jullu 2009, dekretu lei númeru 27/2008, 11 agostu, dekretu lei 14/2008, 7 fulan maiu, dekretu lei númeru 40/2008, 29 outubru, no dekretu lei sira seluk ne’ebé mak iha ligasaun ho lejislasaun funsionalizmu públiku, Estatutu Komisaun Funsaun Públika.

Aleinde ida-ne’e, Komisáriu Funsaun Públika hatete, “ha’u hanoin ba oin sei koalia ho ministru Interior fó kursu indusaun ba funsionáriu sira, hodi uza mós fatin ida-ne’e (Rairobo), tanba hau haree ita boot sira lao ba mai sempre ho kulisensa, ne’e meius diak ida hodi kuda karater di’ak ba formandu inklui funsionáriu sira”.

Komisáriu ne’e akresenta, iha timor ne’e laos falta ema matenek maibé falta ema dixiplina, matenek barak maibé dixiplina kuaze lakon, ba futuru sei hala’o kursu indusaun ne’e hanesan, iha fatin ida-nee hodi prepara funsionáriu públiku sira.# Fatinha.