Dili, 15 marsu 2024 (SRP) – Ministru Interior, Francisco da Costa Guterres, Ph.D, partisipa iha serimónia resesaun ne’ebé oferese husi Nunsiatura Apostólica, Embaixada da Santa Sé iha Timor-Leste, Monsignór Marco Sprizzi, iha ámbitu selebrasaun tinan 11, Papa Francisco nia loron pontifikasaun.
Tinan sanulu resin ida liubá, iha loron 13 fulan-marsu, São Pedro nia susesór ba dala 265 ne’e, ba dahuluk la’o iha Balkaun hodi hetan bensaun S. Pedro Basilika iha Vatikanu. Antes nia fó ninia bénsaun primeiru nu’udar bispu foun iha Roma, nia hateten liafuan “favor ida”, ne’e jestu ida ba sarani tomak atu nafatin reja no halo orasaun ba Nai Maromak Aman Santu.
Serimónia ne’ebe hala’o iha Embaixada Santa Sé Motael ne’e, hetan prezensa hosi Prezidente Repúblika (PR), José Ramos-Horta, Primeiru-Ministru (PM), Kayrala Xanana Gusmão, Eis Primeiru-Ministru Taur Matan Ruak, Korpu Diplomatiku, Embaixadores akreditadu sira, Xefe Estadu Maior Jenerál FALINTIL -Forsa Defeza Timor-Leste (F-FDTL) Tenente Jenerál Domingos Raúl “Falur Rate Laek”, Komandante Jerál PNTL, Henrique da Costa, ho estrutura inklui hierarquia Igreja Katólika nian iha Timor-Leste. # (Char/AX).
