GUVERNU HAHÚ HALO PREPARASAUN SAI MEMBRU PERMANENTE ASEAN

Dili, 02 abril 2024 (SRP)- Ministru Interior, Francisco da Costa Guterres, Ph.D, partisipa enkontru téknika ne’ebé prejidi hosi Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente, hamutuk ho Sekretáriu-Jerál ASEAN, Kao Kim Hourn, ne’ebé hala’o iha Auditóriu Xanana Gusmão, Ministériu Finansas, Aitarak Laran.

Sorumutuk ne’ebé hetan mos partisipasaun másimu hosi IX Guvernu konstitusionál ne’e ho objetivu hodi tau hamutuk hanoin no deskute kona-ba prosesu Timor-Leste nia prontidaun ba adezaun plena ASEAN.

Serimónia lansamentu ne’e hetan mós akompañamentu hosi Vise-Ministra ba Asuntus ASEAN nian, Milena Rangel, Sekretariu Estadu Protesaun Sivíl (SEPS), Domingos Mariano Reis, inklui péritu sira hosi sekretariadu ASEAN nian. #AX