Dili, 02 outubru 2023 (SRP) – Ministeriu Negosiu Estranjeiru Japaun nian servisu hamutuk ho Ministeriu Interior hodi fo formasaun ba funsionáriu nain-1 hodi fornese treinamentu intensivu durante tinan ida konaba servisu offisial diplomata no mos servisu offisial publika ho lian Japaun nian, no-mós atu komprende kultura Japaun nian.
Ho despaisu hosi Diretor Jeral Servisu Migrasaun nian hodi nomeia funsionariu sivil ida ho naran Edgar de Fatima Marcos hodi tuir kursu intensivu ida-ne’e ho objetivu atu dezenvolve abilidade prátika iha lian Japaun ne’ebé presiza ba servisu diplomáta nian, liu husi kurríkulu intensivu ida-ne’ebé espesialmente dezeña sira-nia profisionálizmu.
Kursu ne’e foka liu ba abilidade komunikasaun orál nian hanesan Hiragana, Katakana no aprende báziku Kanji nian kobre ho kurikulu. Aleinde ne’e prepara mós asuntu sira hanesan diskursu no aprezentasaun no vokabularia diplomátika.
Programa ne’e dezeña ba totál ema ne’ebé foin hahú ka sira ne’ebé sei iha nivel baziku atu aprende lian Japaun ho atividade sira hanesan halo diskusaun no semináriu iha lian Ingles, vizita fatin ikonik sira atu aprende no hatene aspetu oioin husi kultura no sosiedade Japaun nian. #AX
