LAÚTEM, 19 outubru 2023 (SRP)- Ministériu Interiór liu hosi DNPKK (Diresaun Nasionál Prevensaun Konflitu Komunitaria), halo diseminasaun Planu Asaun Nasionál (PAN 1325), Feto, Paz no Seguransa, ba Lideransa Komunitária no Feto Potensiál Sira iha Suku Tutala, Postu-Administrativu Tutuala, Munisípiu Lautem.
“Diseminasaun Planu Asaun Nasionál Feto, Pás no Seguransa, ka ita bolu PAN 1325 ne’e hanesan konvensaun lei internasionál ne’ebé proteje direitu feto iha sektores moris hotu-hotu ho nia objetivu maka atu halakon diskriminasaun hasoru feto”, dehan Carlito durante halo abertura ba programa ne’e iha Suku Tutala, kinta (19/10/2023).
Iha biban ne’e Carlito lori komunidade tomak agradese ba DNPKK no husu komunidade sira atu rona hodi fahe tutan ba familia sira seluk ne’ebe lamai tanba sira nia distansia dok.
“Agradese ba ekipa husi Ministeriu Interior liu hosi DNPKK ne’ebe mai to’o iha ami nia fatin, hodi impelementa no fahe informasaun PAN RKS 1325 nune’e bele hasa’e konsiensia feto nia valor. Ne’e duni husu mos ba ita hotu iha ne’e atu transmite tutan ba sira ne’ebe ohin lamai iha fatin ida ne’e”, afirma.
Entretantu Asesora Jéneru DNPKK nian, Iria Mónica Savio, diseminasaun ida ne’e atu promove koezaun Sosiál hodi hakbiit partisipasaun feto hodi halo prevene ba violénsia.
“Governu Timor-Leste hatudu nia kompromisu ba igualdade jéneru bainhira aprova Planu Asaun Nasionál Rezolusaun Konsellu Nasoens Unidas 1325 Feto, Pás no Seguransa liuhusi Ministériu Interior hodi habelar informasaun kona-ba feto nudar edukadora iha família no sosiedade. Ne’e signifika ita feto nia papél iha dezenvolvimentu importante tebes” eplika Iria.
Tuir nia papel feto importante iha familia sosiedade no nasaun ida, tanba ne’e nia enkoraja feto sira atu bele ativa iha partisipasaun hari dame liu-liu foti desizaun iha nível altu.
Iha aprezenstasaun, Xefi Seksaun Rezolusaun Konflitu, Evelina da Costa Guterres, fahe liu materia kona-ba programa Guvernu nian hodi promove politika ba prevensaun konflitu iha komunidade atu kria paz, harmonia no estabilidade iha Munisipiu Lautem inklui postu administrativu sira to’o Suku laran.
“Governu Timor-Leste hatudu nia kompromisu ba igualdade jéneru bainhira aprova Planu Asaun Nasionál Rezolusaun Konsellu Nasoens Unidas 1325 Feto, Pás no Seguransa liuhusi Ministériu Interior hodi habelar informasaun kona-ba feto nudar edukadora iha família no sosiedade. Ne’e signifika ita feto nia papél iha dezenvolvimentu importante tebes” eplika Iria.
Tuir nia papel feto importante iha familia sosiedade no nasaun ida, tanba ne’e nia enkoraja feto sira atu bele ativa iha partisipasaun hari dame liu-liu foti desizaun iha nível altu.
Iha aprezenstasaun, Xefi Seksaun Rezolusaun Konflitu, Evelina da Costa Guterres, fahe liu materia kona-ba programa Guvernu nian hodi promove politika ba prevensaun konflitu iha komunidade atu kria paz, harmonia no estabilidade iha Munisipiu Lautem inklui postu administrativu sira to’o Suku laran. #Fatinha
