Oesilo, 28 novembru 2023 (SRP) – Diretór Jerál Seguransa Prevensaun Konflitu, Gaspar de Sousa, sai hanesan Inspetór ba seremónia Isar Bandeira hodi komemora loron proklamasaun Independénsia ba 48 iha Suco Bobometo, Sub-Rejiaun Oesilo, RAEOA ne’ebé akompaña husi Diretora Nasionál Prevenesaun Konflitus Komunitaria DNPKK, Lidia Lopes Carvalho, Diretór DNSPP Januario Barreto, Xefe Departamntu Administrasaun DNSPP Abel Soares.
Iha seremónia Isar Bandeira ne’e komunidade sira iha suku refere entuzias hodi rona diskursu Prezidente Repúblika ne’ebé fó sai liuhusi transmisaun direita. Mesmo ho Distansia ne’ebé dok husi hela fatin maibé komunidade sira nafatin pasrtisipa hodi anima iha loron importante ne’e ho dansa no dahur hamutuk.
Hafoin remata seremónia refere Diretór Jerál Seguransa Prevenesaun Konflitu Gaspar de Sousa kontinua fó tomada de pose ba Xefe Suco, Xefe Alde eleitu ho delegadus no delegadas hamutuk ema 51 ho totál suku tolu no mós aldeia hmutuk 13 .
Iha fatin hanesan ikusliu fahe mós foto grafia Presidente da Repúblika, José Ramos Horta, Primeieu Ministru RDTL Kayrala Xanana Gusmao, no Ministru Estatál, Tomas Cabral ba Xefe Suco Eleito.
Partisipa iha serimonia ne’e maka hanesan Jestór Sub-Rejiaun Oesilo Domingos Marques, Amu Parokia Kurasaun de Jesus Sub Rejiaun Oesilo Pe. Dominikus Leki Nahak, SVD, Komandante Esquadra PNTL Oesilo Inspetór Asistente Polísia Josep Bobo no komunidade husi Suco 3 no Aldeia 13. #Oscar
