Atabae -loron 2 fulan dezembru 2023 (SRP) – Adjunta Prokuradór Jerál da Republika, Angelina Joaninha Saldanha hamutuk ho ekipa fó palestra kona-ba Papel Prokuradoria Jerál ba formandu sira iha Rairobo.
Timor-Leste nia konstituisaun ho mós lei ne’ebé autoriza tiha ona governu halo kódigu penál, hamutuk ho komprimisu internasionál ne’ebé simu tiha ona, no mos Timor-Leste nia kódigu ba prosesu penál ida-nee tuir dekretu lei númeru 13/2005, iha 1 dezembru ne’ebé aprova kódigu ba prosesu penál.
“Ha’u hatene katak buat ida mediadór ba Diresaun Nasionál Prevensaun Konflitu Komunitária servisu ida ne’ebé todan tebes ba ita boot sira, tanba ita bo’ot sira sei hasoru buat oi oin iha komunidade sira-nia leet”. Timor-Leste hanesan país independente tenke harií nia sistema jurídiku rasik ho solusaun prosesuál penál rasik.
Problema ne’ebé mosu mak hanesan rai eransa no problema seluk hanesan Arte marsiais, violasaun no, bainhira imi hala’o knaar ruma karik halo ho imparsiál, misaun ne’ebé tuir regras ne’ebé fó ba ita bo’ot sira.
“Ha’u hatene katak bainhira ita boot sira kuandu hala’o ita boot sira-nia misaun, primeiru tenke gaiña konfiansa sira husi komunidade, bainhira komunidade sira la simu ita boot sira, bainhira sira la respeita ita boot sira maka ita bo’ot sira-nia misaun sei la lao”, akresenta adjunta PGR.
Buat seluk tenke koñese sira, sira nee sé, ita boot sira tenke hakbesik ba sé, ita boot sira fó koñesimentu ba sé, atu nune’e sira bele simu imi. Bainhira mosu ona problema maka ami foin tama, mais kuandu problema iha terrenu ita boot sira maka besik liu ho komunidade. Pelumenus ita bo’ot sira bele halo netik buat ruma hodi hakmaan Autoridade lokál sira antes to’o mai autoridades ne’ebé kompetente liu.
Adjunta Prokurador fahe informasaun ba formandu sira kona-ba knaar Prevedoria nian, iha Rairobo
Iha biban ne’e Adjunta PGR ne’e fahe esperiénsia husi Ministériu Públiku, “hau sei fahe buat ne’ebé mak ita bo’ot sira bele halo tuir kódigu prosesu penál, tuir konstituisaun no tuir lei ne’ebé maka iha. “Hau servisu iha area krime ninian, sei espelika oituan oinsá Ministériu Públiku ninia knaar bainhira iha ligasaun ho polísia sira, oinsá halo koordenasaun ho polísia sira, tanba sira nudar autoridade ne’ebé mak sei koajuva ho Ministériu Públiku atu bele kombate kriminalidade sira”, akresenta adjunta PGR.
Kódigu ba prosesu penál nia kuadru normativu simu inspirasaun hosi no respeita opsaun konstitusionál kona-ba direitu, liberdade no garantia pesoál tuir doutrina tradisionál ne’ebé dehan katak ordenamentu prosesuál penál nee “direitu konstitusionál aplikadu”. Tanba ne’e kódigu nee nia solusaun normativu hakarak hametin garantia prosesuál penál no direitu pesoál ne’ebé konstituisaun sadia, no lejizladór hakarak garante katak dispozisaun konstitusionál nia konteúdu labele diminui iha nia estensaun no alkanse.
Kódigu ne’e regula ho pormenór partisipante prosesuál sira-nia pozisaun Define ho rigór sirkuntánsia no momentu iha ne’ebé ajente krime hetan pozisaun prosesuál hanesan suspeitu, arguidu ka kondenadu no, nia devér no direitu iha faze ida-idak. Kódigu ne’e konsagra lezadu hanesan Ministériu Públiku nia reprezenta lezadu iha prosesu penál, no haruka tribunal hasai, ofisiozamente, dezisaun kona-ba indeminizasaun sivíl, salvu kuandu lezadu deklara buat seluk. Kódigu ne’e define mós polísia nia podér jerál no enumera medida polísia ho medida sira ne’e nia presupostu.
Ministériu Públiku reprezenta estadu iha asaun penál no reprezenta ema sira ne’ebé mak menór, auzente kapasidade bainhira Ministériu Públiku sei reprezenta sira iha asaun Sivíl no penál sira. Krime públiku ne’e dehan katak imi ne’ebé mak la admite atu dada fila fali nia prosesu, hanesan krime violasaun, omesidu, krime furtu (naok agravadu) krime ne’ebé todan ne’e lei la fó fatin atu dada fila fali prosesu.
Vítima agora ita bolu naran ofendidu ho ida-nee bainhira ita boot sira hasoru kazu sira hanesan nee denúnsia kedas ba polísia ne’ebé besik ou ba Ministériu Públiku ne’ebé besik atu nune’e bele asegura lalais fatin krime sira, oinsá polísia bele to’o iha fatin akontesimentu. #Fatinha.
