𝐃𝐢́𝐥𝐢, 𝟎𝟗 𝐉𝐮𝐥𝐥𝐮 𝟐𝟎𝟐𝟔 (𝐒𝐑𝐏) – Ministru Interior, Francisco da Costa Guterres, Ph.D, ofisialmente halo abertura ba reuniãu regular segundu trimestral ba Inspetóres-Auditoria sira husi Instituisaun estadu no-mos entidade setór públiku sira ho tema “Fortalesimentu Servisu Aúditoria Interna ba Boa Governasaun iha Instituisaun Estadu”.
Hau apresia tebes ba Inspetóra-Jerál tanba organiza reuniaun regular ida-ne’e, ne’ebé sai fatin ida atu fahe esperiénsia, diskute dezafiu no buka solusaun ba problema sira ne’ebé durante ne’e hasoru iha inspesaun no auditoria iha ministériu no instituisaun Estadu sira. Reuniaun ida-ne’e importante tebes atu Inspetór-Auditor sira bele fahe sira-nia esperiénsia, fortalese koordenasaun no hametin sistema kontrolu internu hodi salvaguarda interese Estadu”, esplika Ministru Interior, Francisco da Costa Guterres, perante nia diskursu iha Auditoriu Ministeriu Finansas Aitarak Laran.
Nia dehan, papel importante inspesaun no auditoria sira nian mak oinsá atu proteje sistema no garante katak rekursu Estadu uza ho forma korretu, efisiente no transparente atu servi povu no
“Aúditoria importante tebes tanba garante governasaun di’ak tuir lei no regulamentu sira. Tanba ne’e husu atu Inspetór-Aúditoria sira fó prioridade ba transparénsia, objetividade no imparsialidade sira hodi hala’o servisu, atu rezultadu auditoria bele sai hanesan meius ida hodi hadi’a dezempeñu instituisaun sira to’o iha nível servisu no rai ida ne’e”, salienta.
Iha oportunidade ne’e, Ministru Interior enkoraja Inspetór-Auditor sira atu kontinua halo servisu ho responsabilidade no integridade, tanba papel importante sira nian mak identifika no korrije sala sira, prevene irregularidade, no asegura katak instituisaun Estadu sira hala’o sira-nia knaar tuir objetivu, lei no regulamentu sira ne’ebé vigora.
Ministru Interior reafirma katak Governu hakarak servisu ho rigor, tuir regras, prinsipiu boa governasaun no integridade aas, tanba kredibilidade servisu auditoria depende ba independénsia, profesionalizmu no étika husi Inspetór-Auditor sira.
Ikus liu, nia husu ba Inspetór-Auditor sira atu kontinua ajuda instituisaun Estadu sira liuhusi rekomendasaun no solusaun konstrutivu, nune’e bele prevene problema sira ne’ebé bele mosu iha auditoria externa, inklui auditoria husi Tribunal de Contas no auditoria internasionál sira, hodi hasa’e liután qualidade servisu administrasaun públika.
Iha reuniaun ne’e partisipa husi Komisáriu Portefóliu ba Asuntu Pensaun no Reforma hosi Komisaun Funsaun Públika, Jorge Paiva de Araujo, Inspetór Jerál Estadu, Francisco de Carvalho, Inspetores husi Liñas Ministériais APC inklui Funsionáriu sira. #Eliza
