SERIMÓNIA SELEBRASAUN ANIVERSÁRIU BOMBEIROS BA DALA-26
Dili- 23 Abril 2026, (SRP)- Ministru Interior, Francisco da Costa Guterres, Ph.D, akompaña husi Sekretáriu Estadu Protesaun Sivil, Domingos Mariano Reis, parisipa iha serimonia aniversário Bombeiros ba dala-26 iha edifisiu Autoriedade Protesaun Sivil, Caicoli, Kinta-feira ne’e.
“𝙃𝙤𝙟𝙚 𝙘𝙚𝙡𝙚𝙗𝙧𝙖𝙢𝙤𝙨 26 𝙖𝙣𝙤𝙨,𝙖𝙣𝙞𝙫𝙚𝙧𝙨𝙖𝙧𝙞𝙤 𝙙𝙤 𝙗𝙤𝙢𝙗𝙚𝙞𝙧𝙤𝙨 𝙏𝙞𝙢𝙤𝙧-𝙇𝙚𝙨𝙩𝙚 𝙝𝙚𝙧𝙤𝙞𝙨 𝙦𝙪𝙚 𝙝𝙚𝙧𝙤𝙞𝙨 𝙚𝙣𝙛𝙧𝙚𝙩𝙖𝙢 𝙤 𝙛𝙤𝙜𝙤 𝙥𝙖𝙧𝙖 𝙨𝙖𝙡𝙫𝙖𝙧 𝙖 𝙫𝙞𝙙𝙖𝙨 𝙚 𝙥𝙧𝙤𝙩𝙚𝙜𝙚𝙧 𝙘𝙤𝙢𝙪𝙣𝙞𝙙𝙖𝙙𝙚𝙨”.
Objetivu Komemorasaun nian, simbolikamente marka tinan-26 servisu Bombeirus Timor-Leste nian, selebra hamutuk ho sira, no destaka sira nia importánsia institusionál no kontribuisaun kontinua ba protesaun populasaun nian.
Iha diskursu ne’e, Ministru Interior, Francisco da Costa Guterres, Ph.D, hato’o parabeniza ba Bombeiros sira hotu, ne’ebe ohin bele Selebra aniversáriu ezisténsia Bombeiros ba dala-26 ba, ida ne’e hanesan Diresaun ida ne’ebé antigu liu iha restaurasaun independensia Timor-Leste nian.
“Diresaun ne’ebé harii iha tinan-2000, mantein ho nia istoria ne’ebé mak iha to’o ohin loron. Apresia ba servisu, Bombeiros Nian, Tanba iha tempu defisil, iha dezastre naturais, imi servisu ho profisionál Tebes. Tanba ne’e husu ba korpu Bombeiros hotu,atu mantein disipliña no profisionalizmu iha Servisu hodi nune᾽e bele servi de᾽it povu ne᾽ebe mak presija tebes bombeiros nia tulun.
Ezekutivu ne’e mós hateten lori IX Governu nia naran hato᾽o agradese ba bombeiros nia servisu ne᾽ebe mak durante tinan 26,Bombeiros hamriik ho protindaun hodi servii povu no nasaun.No husu atu kontinua servisu ho di’ak, disiplina, profesional hodi servi nia povu no mantein respeitu ba hierarkia ne’ebé iha ona.
Governante ne᾽e kompromete sei tau matan hodi hadia kondisaun sira ne᾽ebé mak Bombeiros hasoru,atu nunee bele fasilita Servisu Bombeiros nian lais liu iha tereñu.
“Governu sei la haluhan ita bo᾽ot sira, sei tau matan ba ita bo᾽ot sira,ita sei hare nafatin ho kondisõens ne᾽ebe mak iha kontinua,hadia nafatin tuir ita nia kapasidade ne᾽ebé mak iha,maibé ba ita bo᾽ot sira kontinua nafatin haree hadia nafatin,atu nune᾽e ita boot sira sai hanesan instituisaun ida ne᾽ebe mak relevante ba nesidade povu ninian iha Timor-Leste.”
Introduz mós katak, bombeirus iha Timor-Leste harii iha loron 9 fulan Novembru tinan 1999 no formalmente forma sai korporasaun iha loron 23 fulan Abril tinan 2000. Kria fali ho apoiu husi Comissão de Apoio à Transição em Timor-Leste (CATT), ne’ebé diriji husi Pe. Vitor Milícias husi Portugal. Agora daudauk, Bombeirus organiza an iha Diresaun Nasionál Bombeiros ho delegasaun iha munisípiu sira, no APC rasik iha tutela Ministériu Interior nian.
Misaun mak Garante protesaun no seguransa ba populasaun hasoru risku sira ne’ebé ameasa moris, bens no ambiente, liu-liu iha resposta ba insidente hanesan ahi, aksidente rodoviáriu no emerjénsia seluk. Vizaun mak Promove rekursu umanu ne’ebé kualifikadu, espesializadu no kontinua hetan treinamentu, ho koñesimentu tékniku no ekipamentu adekuadu atu hala’o sira nia knaar ho efisiénsia.
Entertantu Papel no Servisu sira ne’ebé Bombeirus nian mak, Kombate ahi, Atendimentu emerjénsia, Salvamentu iha bee (iha mota, tasi ka be’e-udan), Apoiu ba komunidade iha situasaun risku ka kalamidade.
Serimonia ne᾽e partisipa husi 𝐒𝐞𝐜𝐫𝐞𝐭𝐚𝐫𝐢𝐨 𝐄𝐬𝐭𝐚𝐝𝐨 𝐀𝐬𝐬𝐮𝐧𝐭𝐨 𝐓𝐨𝐩𝐨𝐧𝐨𝐦𝐢𝐚 𝐧𝐨 𝐎𝐫𝐠𝐚𝐧𝐢𝐣𝐚𝐬𝐚𝐮𝐧 𝐔𝐫𝐛𝐚𝐧𝐚 (𝐒𝐄𝐀𝐓𝐎𝐔) 𝐆𝐞𝐫𝐦𝐚𝐧𝐨 𝐒𝐚𝐧𝐭𝐚 𝐁𝐫𝐢𝐭𝐞𝐬 𝐃𝐢𝐚𝐬,𝐅𝐚𝐥𝐢𝐧𝐭𝐢𝐥-𝐅𝐨𝐫𝐬𝐚 𝐃𝐞𝐟𝐞𝐳𝐚 𝐓𝐢𝐦𝐨𝐫-𝐋𝐞𝐬𝐭𝐞 (𝐅-𝐅𝐃𝐓𝐋),𝐏𝐨𝐥𝐢𝐬𝐢𝐚 𝐍𝐚𝐬𝐢𝐨𝐧𝐚𝐥 𝐓𝐢𝐦𝐨𝐫-𝐋𝐞𝐬𝐭𝐞 (𝐏𝐍𝐓𝐋),𝐊𝐨𝐦𝐯𝐢𝐝𝐚𝐝𝐨𝐬 𝐈𝐧𝐭𝐞𝐫𝐧𝐚𝐬𝐢𝐨𝐧𝐚𝐥 𝐧𝐨 𝐍𝐚𝐬𝐢𝐨𝐧𝐚𝐥,𝐄𝐢𝐬-𝐒𝐞𝐜𝐫𝐞𝐭𝐚𝐫𝐢𝐨 𝐄𝐬𝐭𝐚𝐝𝐨 𝐏𝐫𝐨𝐭𝐞çã𝐨 𝐂𝐢𝐯𝐢𝐥 (𝐒𝐄𝐏𝐂),𝐄𝐢𝐬-𝐏𝐫𝐞𝐳𝐢𝐝𝐞𝐧𝐭𝐢 𝐀𝐮𝐭𝐨𝐫𝐢𝐝𝐚𝐝𝐞 𝐏𝐫𝐨𝐭𝐞𝐬𝐚𝐮𝐧 𝐒𝐢𝐯𝐢𝐥 (𝐀𝐏𝐂) 𝐈𝐬𝐦𝐚𝐞𝐥 𝐃𝐚 𝐂𝐨𝐬𝐭𝐚 𝐁𝐚𝐛𝐨 𝐢𝐧𝐤𝐥𝐮𝐢 𝐦𝐨𝐬 𝐊𝐨𝐦𝐯𝐢𝐝𝐚𝐝𝐨𝐬 𝐢𝐦𝐩𝐨𝐫𝐭𝐚𝐧𝐭𝐞 𝐬𝐢𝐫𝐚 𝐡𝐨𝐭𝐮.#Charlie_Este
