Dili, 29 maiu 2025 (SRP) – Ministru Interior (MI) Francisco da Costa Guterres Ph,D. akompaña ho Prezidenti Autoridade Protesaun Sivíl Jesuinho dos Reis no reprezentante Komisaun Funsaun Públika Anita Tavares de Jesus, fó pose ba kargu xefia Ministériu Interiór no Autoridade Protesaun Sivíl (APC), iha salaun Centro Nasionál Eleições (CNE) Colmera.
Iha serimónia ne’e, emposadu nain ualu (
ne’ebé simu pose ba kargu xefia mak hanesan tuir mai; Genoveva Fernandes Almeida Xefe Gabinete Relasaun Ekxternas no Komunikasaun APC, Francisco Pereira Koordenadór Unidade Apoiu ba Administrasaun Diresaun Jerál Seguransa Prevensaun Konflitu (DJSPK), Jacinto Soares Xefe Departamentu Prevensaun konflitu Ermera, Baltazar Pinto Xefi Departamentu Prevensaun Konflitu Viqueque, Zeca Michael Lopes Komandante Munisipál Operasaun husi Protesaun Sivíl Bobonaro, Domingos Lopes Xefe Departamentu Prevensaun konflitu Ainaro, Cessar João Soares Xefe Gabinete Jestaun Rekursu Autoridade Protesaun Sivíl Manatuto, no nomeasaun Elvis Miguel Gonzaga ba Xefe Gabinete Jestaun Rekursu ba Autoridade Protesaun Sivíl Manatuto No Egas Afonso da Luz Carvalho hanesan Xefe Gabinete Jestaun Rekursu ba Autoridade Protesaun Sivíl husi Ermera.
ne’ebé simu pose ba kargu xefia mak hanesan tuir mai; Genoveva Fernandes Almeida Xefe Gabinete Relasaun Ekxternas no Komunikasaun APC, Francisco Pereira Koordenadór Unidade Apoiu ba Administrasaun Diresaun Jerál Seguransa Prevensaun Konflitu (DJSPK), Jacinto Soares Xefe Departamentu Prevensaun konflitu Ermera, Baltazar Pinto Xefi Departamentu Prevensaun Konflitu Viqueque, Zeca Michael Lopes Komandante Munisipál Operasaun husi Protesaun Sivíl Bobonaro, Domingos Lopes Xefe Departamentu Prevensaun konflitu Ainaro, Cessar João Soares Xefe Gabinete Jestaun Rekursu Autoridade Protesaun Sivíl Manatuto, no nomeasaun Elvis Miguel Gonzaga ba Xefe Gabinete Jestaun Rekursu ba Autoridade Protesaun Sivíl Manatuto No Egas Afonso da Luz Carvalho hanesan Xefe Gabinete Jestaun Rekursu ba Autoridade Protesaun Sivíl husi Ermera.Iha serimónia refere MI dezeja ba emposadu sira hotu atu halo servisu no funsiona ho di’ak no responde ba presiza instituisaun ninian.
“Dezeja ba ita boot sira hotu, ba imi nia servisu, atu serví povu no ba rai ida-ne’e, husu ita boot sira hotu servisu ho disiplina. Iha tempu ne’ebé mak atu foti desizaun tenki foti, obedese ba regras, atu nune’e mákina estadu ne’e bele funsiona, ha’u nia hakarak no dezeju, mak ita boot sira hala’o knar ho di’ak” tenik MI
Governante ne’e dehan tomada de posse ne’e atu kompleta estrutura Ministériu Interiór ninian, maske falta balun, pratikamente ita kompleta ona estrutura tomak, katak kompletu hodi koko iha fulan nein nia laran, wainhira mákina ida funsiona ho di’ak, ita mantein hodi responde ba nesesidade povu no nasaun nian.
“ Husu ba ita boot sira servisu makas hodi hatudu mákina estadu lao hodi serví ba rai ida-ne’e, servisu ho sério, kuidadu no responsabilidade. Atu nune’e ita bele alkansa objetivu ne’ebé ita trasa, tuir planu asaun anuál nian. Ida-ne’e ita tenki prepara didi’ak hodi responde ba planu ne’ebé ita tau ba. Sira ne’ebé xefia antigu servisu tinan rua ona, tenki servisu ho didi’ak no kuidadu” MI kontinua.
Iha okaziaun ne’e, reprezentante komisaun Funsaun Públika (KFP) Anita Tavares de Jesus mós salienta katak, simu pose reprezenta sentidu rua, dahuluk hanesan inísia legál ida entre instituisaun estadu no funsionáriu ida-ida iha kontestu okupante kargu diresaun ne’ebé ke koresponde ho direitu, responsabilidade tuir lei atura ona. Daruak, hanesan aseitasaun husi pesoal ida-ida atu servidór ba povu no ba estadu.
“Ba emposadu sira, vinkulu legál ne’ebé destaka, marka kapítulu profesionál foun ida, hodi hili ita boot sira ne’ebé ho profisionál, atu halo diresaun no departementu ne’ebé imi lidera funsiona no efetivu” dehan reprezentante KFP.
Ikusliu, representante kFP, ne’e aprofunda tan katak bom susesu ba jornada foun servisu nian, hodi rejistu pasu importante no la haluha hato’o parabéns ba emposadu sira hotu, bom traballu. #Rival
