Dili, 04 Abril 2024 (SRPM) – Ministru Interiór (MI), Francisco da Costa Guterres, Ph.D, ofisiálmente hala’o abertura ba reuniaun kona-ba Koordenasaun ba Konsellu Seguransa Ministériu Interior nian ho tema : “Hametin Koordenasaun Servisu Seguransa Interna, Hodi Servi Povu ho Di’ak Liutan”, iha sala reunaiun Hotel, Golgota-Comoro, Kinta-feira ne’e.
“Tanba iha ami-nia lei orgánika ne’e, iha mós Konsellu Koordenadór ne’ebé kompostu husi Komandante Polísia sira, Diretores Jerais no Nasionais, ne’ebé mak durante ne’e hala’o servisu hodi hadia problema sira”dehan MI ba jornalista sira iha, Golgota-Comoro, Kinta-feira ne’e,04/04/2024.
Governante ne’e subliña tan katak, desde nia tama mai konsege hadia ona estatutu balun, agora dadaun tama ona ba iha faze reforma no hahú ona ho lei, tanba Lei kona-ba Aútoriedade Protesaun Sivíl nian aprova ona husi Konsellu Ministru, hein deit ona Promulga husi Prezidente Repúblika, nune’e vele hadi’ak fali servisu autoriedade protesaun sivíl nian.
“Tanba estrutura ne’e ami haree todan uituan, entaun ami hamutuk ho Sekretáriu Estadu Protesaun Sivíl no Dirijenti sira, ami re-organiza tiha fali, maske simples, maibé hodi bele atende fila fali difikuldade no nesesidade no difikuldade sira ne’ebé mak povu hasoru” nia afrima.
Iha fatin hanesan , Ezekutivu ne’e salienta liu tan katak, liga mós ba estatutu PNTL nian, espera katak semana oin, bele tama ona iha faze diskusaun Konsellu Ministru nian, hodi bele rezolve problema PNTL nian, liga ba iha kargus PNTL nian, Estatutu, edifisiu, infraestrutura nsst. Nune’e hodi bele halo servisu profisionál dezenvolve nasaun ida ne’e.
Ba iha infraestrutura Ministériu Interior nian, iha 100 grandes Projetus, ba prioridade dahuluk iha fronteira, espera fulan oin tama ona prosesu tenderizasaun, no iha prioridade tuir mak iha kuarteis munisipais , nomós kazernas ba Polísia sira iha Postu. # Ekipa SRPM.
