Dili, 30 Agosto 2023 (SRP) – Kuarta-feira ne’e, Ministru Interior (MI), Francisco da Costa Guterres, Ph.D, hamutuk ho membru IX Governu Konstituisionál ne’ebé xefia hosi PM Kayrala Xanana, partisipa misa agradesementu Aniversáriu loron konsulta popular ba dala 24, ne’ebé prejidi husi amu selebrante Pe. Angelo Salsinha, iha Igreja paróquia Imaculada Conceição de Balide Dili.
Hafoin remata selebrasaun eukarístika ne’e membru Guvernu sira kontinua lao ain ba vizita semitériu Santa-Cruz hodi kari ai-funan no sunu lilin iha kruz-boot, saúdozu Max Sthal no mos as’wain sira seluk ne’ebe fo’o kontribuisaun bot ba Timor.
Tuir ajenda membru Guvernu hamutuk ho komunidade iha kapitál Dili sei kontinua fali halo Marsa Saudavel ne’ebé sei hahú iha pontu konsentrasaun tolu – Kuluhun- Ponte Maufelo; Sentru Konvensaun Dilii (CCD); no Jardín 12 de Novembro, Motaél – to’o Jardín Ponte BJ Habibie.
Husi Kuluhun-Ponte Maufelo, sei abranje Postu Administrativu Cristo Rei, partisipante sira maihusi Ministériu Justisa no Funsionárius Prizaun Bekora, PNTL Estasaun Bekora, SENAI/SEFOPE, UNITAL, Eskola Sekundária Bekora, MJDAC, Inspesaun Jerál Estadu, CVTL, BCTL, UNTL, Kuartél PNTL, no Komunidade Postu Administrativu Kristu Rei maka sei hahú hosi ne’ebá. Abertura ba konsentrasaun ne’e sei halo husi Sekretáriu Estadu Asuntus Toponímia no Organizasaun Urbana.
Husi CCD, sei abranje Postu Administrativu Vera Cruz no Na’in Feto, partisipante sira maihusi F-FDTL-PM, UNDIL, Ministériu Saúde, SEFOPE, PNTL Distritál. Dili, MTK, Tribunál Rekursu, MSSI, PDHJ, MAE, Autoridade Munisípiu Dili, Ministériu Justisa, UNTL, RTTL, KFP, MI, MOP, MAKLN, INFORDEPE, BTL, EDTL, Prokuradoria Dili, Komunidade Postu Adm. Vera Cruz no Na’in Feto maka sei hahú hosi ne’ebá. Abertura ba konsentrasaun ne’e sei halo hosi Vise-Ministru Administrasaun Estatál.
Ikusliu hosi Jardín 12 de Novembro, Motaél, ne’ebé abranje Postu Administrativu Dom Aleixo, partisipante sira maihusi MAPPF, SEAK, Ministériu Defeza, MPIE, MESSK, MKI, MPM, MNEK, MF, Ministériu Turizmu no Ambiente, Rejistu Sivíl no Notariadu, Tribunál Distritál Dili no Komunidade Postu Dom Aleixo maka sei hahú hosi ne’ebá. Abertura ba konsentrasaun ne’e sei halo husi Ministru Administrasaun Estatál.
Komemorasoins ne’e sei kontinua iha Jardín Ponte B. J. Habibie nia sorin, hahú husi oras tuku 16:00 ho Orasaun. Entre diskursu sira no enserramentu serimónia nian sei hala’o dada-rifas no sorteius, no mós konsertu muzikál ida. #Bui
