Covalima, 07 outubru 2023 (SRP) – Hafoin simu orientasaun hosi Primeiru-Ministru (PM), Kayrala Xanana Gusmão, Ministru Interiór, Francisco da Costa Guterres, Ph.D, hamutuk ho Komandante Jerál PNTL, Komisáriu Jerál Henrique da Costa, reprezentante TLPDP, Mark Silvertand no tékniku sira hala’o vizita servisu ba Komandu Polísia Nasionál Timor- Leste (PNTL) Munisípiu Covalima, hodi haree besik liután kondisaun ne’ebé membru sira enfrenta no analiza problemas hirak ne’ebé PNTL Covalima hasoru.
Iha biban ne’e, Ministru Interior ho komitiva hetan akompañamentu hosi Komandante Komandu Munisípiu Covalima, Superintendente Polísia, Calisto Gonzaga no Komandante Unidade Patrullamentu Fronteira (UPF) Interinu, Superintendente Asistente Carlos Moniz Maia, hodi halo mos vizita ba Unidade Patrullamentu Fronteira (UPF) kompanhia Bravo inklui postu hirak hanesan Fatumea, Belulik Kraik, Anin Matan, Aikakar, Beseuk, Wala, Wesei no Mota Masin. # (Elisa, Oscar).
