Dili, 23 novembru 2023 (SRP) – Ministru Interior, Francisco da Costa Guterres, Ph.D, kinta-feira ne’e, partisipa iha reuniaun Konsellu Superior Defeza no Seguransa, ne’ebé lidera hosi Prezidente Repúblika, José Ramos-Horta, nu’udar mós Komandante Supremu Forsas Armadas nian iha Palásiu Prezidensiál Aitarak Laran.
Objetivu husi enkontru ne’e, hodi koalia kona-ba konseitu estratejiku ligadu ho defeza no seguransa nasional, tanba Konsellu Superior Defeza no Seguransa hanesan órgaun konsultasaun Xefe Estadu nian.
Enkuantu membru Konsellu Superior Defeza no Seguransa kompostu husi Membru Governu, Membru Parlamentu Nasional, instituisaun defeza no seguransa no mós reprezentante husi Xefe Estadu nian. #Bui.
