Atabae, 26 novembru 2023 (SRP) – Ministeriu Interior liuhusi diresaun Nasionál Prevensaun konflitu (DNPKK) fó formasaun ba formadus sira kona-ba papel Mediadór nian iha terenu.
Objetivu husi formasaun ne’e atu aprende kona-ba knar sira ne’ebé sei hala’o liuhusi planu no programa ne’ebé di’ak oinsa bele responde ba iha konflitu ne’ebé mosu no buka hatene klean kona-ba konflitu ida nia hun, abut no konflitu nia impaktu ba komunidade, konflitu mosu tanba interese la hanesan, konflitu ne’e rasik iha relasaun ho ema seluk.
Iha parte seluk ko’alia mós kona-ba Direitu no dever nudar servedór estadu nia. Exerse nia funsaun bainhira hetan nomeasaun no simu vensimentu no remonerasaun ne’ebé legalmente estabelese ona, benefisiu ho kondisaun ne’ebé adekuandu ba servisu no hetan protesaun, hetan intervál diariu ba alimentasaun no deskansa, hetan mós avaliasaun periodikamente tuir nia servisu ne’ebé maka liga ba direitu ba funsionariu sira no ajente admistrasaun públika, bainhira hetan nomeasaun, uja didiak direitu atu bele servisu ho di’ak no kualidade, nune’e bele atinji nia tarjetu, hatene no analiza tarefas.
Alende ne’e tau planu ho di’ak nudar meu atu desempenhu nia funsaun.
Formasaun ne’e hato’o husi oradór nain tolu hanesan, Diretór rekursus umanus Julião Fernandes, Xefe seksaun Rezolusaun, Evelina Guterres no Asesor DNPKK Lamberto Viana #Liza
