Dili, 26 outubru 2023 (SRP) – Kinta feira ne’e, Ministru Interiór (MI), Francisco da Costa Guterres, Ph.D, akompaña husi Diretora Jerál Servisu Migrasaun, Inspetora Xefi Polísia Adelaide da Rosa distribui karreta operasionál hamutuk 14 ba postu fronteira sira inklui apoiu servisu administrasaun.
“Husu ba utilizadór sira tenke kuidadu patrimoniu estadu sira ho responsabilidade, utiliza tuir regras no prosedimentu sira, responsavel katak utiliza tuir lei, regras, iha prinsípiu moral, halo tuir obrigasaun, kuidadozu no onestu.”
Iha fatin hanesan, diretora Jerál Servisu Migrasaun, Inspetora Xefi Polísia Adelaide da Rosa kontinua husu ba utilizadór sira tenke kuidadu sasán estadu nian ba interese komun,
hodi garante transporte hirak ne’e nia durasaun uzu ba tempu naruk, atu nune’e konsentra ninia planu no buat seluk tuir nesesidade komun. apresiasaun governu liuhusi Ministru Interior ba apoiu transporte hirak nee.
Transporte hirak ne’e estadu gasta osan rihun atus lima resin hodi fasilita servisu no funsionamentu servisu migrasaun ninian ba tempu naruk.
Sasán estadu nian tenke fó benefisiu ne’ebé diak liu ba povu tuir prinsípiu legalidade, responsabilidade, transparensia, justu asegura katak iha sistema kontrolu internu operasionál ne’ebé adekuadu, efetivu no efisiente.
Seremónia ne’e konta ho prezensa husi kargus diresaun no xefia sira, asesór inklui funsionáriu sira
