Oesilo, 28 novembru 2023 (SRP) – Diretor Jeral Seguransa Prevenesaun Konflitu, Gaspar de Sousa, sai hanesan Inspetor ba serimonia Isar Bandeira hodi komemora loron proklamasaun Independensia ba 48 iha Suco Bobometo, Sub Rejiaun Oesilo, RAEOA nebe akompanhia husi Diretora Nasional Prevenesaun Konflitus Komunitaria DNPKK, Lidia Lopes Carvalho, Diretor DNSPP Januari Barreto, Xefe Departamntu Administrasaun DNSPP Abel Soares.
Iha serimonia Isar Bandeira ne’e komunidade sira iha suku refere entuzias hodi rona diskursu Prezidente Republika nebe fo sai liu husi transmisaun direita. Mesmo ho Distansia nebe dok husi hela fatin maibe komunidade sira nafatin pasrtisipa hodi anima iha loron importante ne’e ho dansa no dahur hmutuk.
Hafoin remata serimonia refere Diretor Jeral Seguransa Prevenesaun Konflitu Gaspar de Sousa kontinua fo tomada de pose ba Xefe Suco, Xefe Alde eleitu ho delegadus no delegadas hamutuk ema 51 ho total suku tolu no mos aldeia hmutuk 13 . Iha fatin hanesan ikus liu fahe mos foto grafia Presidente da Republika, Jose Ramos Horta, Primeieu Ministru RDTL Kayrala Xanana Gusmao, no Ministru Estatal, Tomas Cabral ba Xefe Suco Eleito.
Partisipa iha serimonia ne maka hanesan Jestor Sub Rejiaun Oesilo Domingos Marques, Amu Parokia Kurasaun de Jesus Sub Rejiaun Oesilo Pe. Dominikus Leki Nahak, SVD, Komandante Esquadra PNTL Oesili Inspetor Assistente Polisia Josep Bobo no komunidade husi Suco 3 no Aldeia 13. #Oscar
