MINISTÉRIU INTERIOR ESTABELESE REGRAS EZEKUSAUN ORSAMENTU JERÁL ESTADU 2024

Dili, 26 janeiru 2024 (SRP) – Ministru Interior, Francisco da Costa Guterres, Ph.D, sesta feira ne’e hala’o enkontru internál ho kargu diresaun xefia sira hodi no Regras Ezekusaun Orsamentu Jerál Estadu 2024, Ministériu Interior nian, ne’ebé aprezenta hosi Diretór Jerál Administrasaun Finansas, Mariano de Araujo.

Objetivu hosi enkontru ne’e hodi garante efetivu no rigorozu kontrolu orsamentál, nune’e bele simplifika prosedimentu ezekusaun orsamentál hodi fó kontinuidade ba mudansa sira ne’ebé implementa ona nune’e bele fasilita diak liután ezekusaun hosi diresaun tutela Ministériu Interior nian.

Kompetente ba ezekusaun Orsamentu Jerál Estadu, inklui kumprimentu ba regra no prosedimentu sira ne’ebé estabelese ona iha Diresaun Jerál Administrasaun no Finansas, Diresaun Jerál Servisu Prevensaun Konflitu Komunitaria, Diresaun Jerál Servisu Migrasaun, Autoridade Protesaun Sivíl, Gabinete Inspesaun no Auditoria no diresaun sira seluk ne’ebé hamahan aan iha Ministériu Interior tuir programa, subprograma no atividade.

Reuniaun ne’e marka prezensa husi Diretór Jerál Prevensaun Konflitu Komunitária, Gaspar de Sousa, Diretór Nasionál Administrasaun no Finansas, Abel Abreu da Costa Belo, Inspetora Jerál Gabinete Inspesaun no Auditoria, Candida do Rosario da Costa Soares, Kargus Xefias no diresaun inklui pontu fokál finansas. #Ekipa SRPM-MI.