Díli- 26 Janeiru 2024 (SRPM) – Ministru Interior Francisco da Costa Guterres, Phd. hetan vizita hosi Prezidente Autoridade Rejiaun Administrativa Espesiál Oecusse –Ambeno (RAEOA), Rogeiro Tiago Lobato hodi koalia kona-ba asuntu seguransa no kooperasaun entre Ministériu Interior ho RAEOA.
“Ohin ha’u atu informa ba Ita boot sira ha’u enkontru ho Rogerio hanesan prezidente RAEOA koalia liu kona-ba kestaun seguransa, katak oinsá ami bele fó apoiu seguransa para ba RAEOA autoridade ne’eba bele hala’o nia seguransa diak liután depois iha RAEOA mós ita hotu hatene, ita ligasaun fronteiras no provizoriamente Interior ami halo kontrolu fronteiras tenke kordena didi’ak ho prezidente autoridade para depois servisu hamutuk”.
Tanba ne’e ohin prezidente autoridade mai ne’e ami koalia oituan, koalia atu estabelese kooperasaun ida entre Interior ho RAEOA para iha materia seguransa ne’e rasik.
“Tanba ita boot sira haree unidade polísia Fronteira iha imigrasaun iha ne’eba iha mós autoridade Protesaun Sivíl, iha seguransa sivíl iha ne’eba hotu iha Batalliaun Orden Públiku (BOP) iha ne’eba hotu tanba ne’e mak ohin prezidente autoridade mai para ami koalia hamutuk iha ne’e no agradese teb-tebes nia mai para ami bele kordena diak liután ba servisu no rona parte seguransa para ami-nia servisu diak liu.”
“Sim ohin temi hotu Regerio nia prekupasaun kona-ba ita-nia kondisoens Polísia fronteiras ne’ebé ha’u dehan katak ami tau hela orsamentu balu kuandu atu ba karik ami sei kordena ho Rogerio hanesan prezidente atutoridade para depois tau matan no superviziona kona-ba konstrusaun sira ne’ebé mak atu halo iha ne’eba ligasaun ho Fronteira sira iha ne’eba, ne’ebé prezidente autoridade prontu para koopera ho Ministériu Interior”.
Prezidente RAEOA hato’o ba media kona-ba objetivu husi vizita ida-ne’e
Iha fatin hanesan, atuál prezidente autoridade RAEOA Rogerio Tiago Lobato, hatete, nia sei tane aas interese povu Oecusse no komprometidu sei la haree ba kor partidu.
“Klaruke prekupasaun boot liu mak bele tane aas interese povu Oecusse nian ami ba iha ne’eba atu servi povu Oecusse, sei la haree ba partidu” dehan Rogerio Tiago Lobato.
Rekorda fali katak, antes ne’e liuhosi Konsellu Ministru Governu nomeia Rogério Tiago Lobato hanesan Prezidente Autoridade RAEOA, bá mandatu ida tinan-lima (5) nian, ho misaun prinsipál atu superviziona atividade sira desentralizasaun nian, hodi eduka no mobiliza populasaun lokál ba envolvimentu konxiente ida iha dezenvolvimentu ekonómiku Enklave Oe-Kusi Ambenu nian. # Ekipa SRPM-MI.
