DILI, 19 fevereiru 2024 (SRP) –Ministru Interior (MI), Francisco da Costa Guterres, Ph.D, halao enkontru kortejia ho Embaixadóra Portugal mai Timor-Leste, Manuela Freitas Barios, akompaña hosi Ofisiál Ligasaun Ministériu Administrasaun Interna iha Dili, Coronel Jóse Moises,, hodi ko’alia kona-ba kontinuasaun kooperasaun ne’ebe maka tutela Ministeriu Interior.
“Ohin enkontru ho Ministru Interior, hodi hametin kooperasaun iha administrasaun interna. Ita hahú ona negosiasaun foun kona-ba programa no estratéjia foun ho estadu Timor-Leste. Importante mak ita sei mai iha iha fulan Abril nia laran no ida ne’e sai hanesan kontaktu importante hodi analiza situasaun kooperasaun iha área seguransa nian no hatene oinsá no ita bele planeia kooperasaun bilaterál ida-ne’e ba programa estratéjiku tuir mai”, esplika embaixadora, Manuela Barios, hafoin remata enkontru ne’e iha Ministeriu Interior, Vila-Verde, segunda ne’e.
Diplomata portugesa ne’e afirma, liu hosi koopersaun ida ne’e hodi reforsa diak liutan kooperasaun iha administrasaun interna liu-liu apoiu GNR ba hodi fasilita prosesu rekrutamentu ba ajentes no kadetes foun PNTL nian. # (Oser/Izu).
