Díli, 12 jullu 2023 (SRP) – Ministru Interior, Francisco da Costa Gueterres, Ph.D, hetan vizita kortezia husi Xefi UN Woman iha Timor-Leste, Amy Nishtha Satyam hamutuk ho ekipa hodi fortalese kooperasaun ho Ministru Interior nune’e bele servisu hamutuk nafatin hodi promove partisipasaun feto iha vida polítika.
Objetivu husi kooperasaun servisu ida-ne’e alem de kongratula ba Ministru ne’ebé hetan fiar hodi asumi kargu hanesan Ministru Interior no-mos troka ideias hodi deskuti asuntu prioridade inklui identifika area ne’ebé UN Woman bele halo hodi supporta Ministeriu Interior atu promove balansu jeneru no reforsa feto sira.
Iha sorumutuk ne’e Xefi UN Woman Amy Nishtha Satyam, Introduz knar ne’ebe nia halo ona hodi promove balansu jeneru no oinsa maka atu apoia ho ativu papel feto Timoroan sira-nia aspirasaun. #Bui
