Dili, 07 novembru 2023 (SRP) – Ministru Interior (MI), Francisco da Costa Guterres, Ph.D, akompaña husi Komandante Jerál PNTL, Komisáriu Henrique da Costa, Komandante Natercia Martins halao vizita ba haree konstrusaun edifisiu Eskuadra PNTL Dom Aleixo, munisípiu Dili.
Objetivu husi vizita ne’e haree hikas obra ba edisifiu refere antes entrega iha tempu badak iha tinan ida-nee.
Durante Vizita governante ne’e husu ba ekipa tékniku sira atu bele instala Kámera CCTV iha sela sira inklui infraestrutura nesesidade sira.
Vizita ne’e akompanha husi enjineiru sira husi Diresaun Nasionál Aprovizionamentu, tékniku sira husi kompanhia ba obra refere, Diretór Nasionál Aprovizionamentu João da Cruz, Asesora inklui ekipa tékniku husi Gabinete Ministru Interior. Konstrusaun ba eskuadra ne’e atinji ona 95 %#Ekipa Media-MI.
