Dili, 04 dezembru 2023 (SRP) – Ministru Interior, Francisco da Costa Guterres, Ph.D, hamutuk ho diresaun kargu no xefia tutela Ministériu Interior, halo audiénsia públika ho Komisaun Espesializada Permanente Komisaun B Parlamentu Nasionál ne’ebé trata asuntu Negosiu Estranjeiru, Kooperasaun, Defeza no Seguransa, hodi aprezenta Orsamentu Jerál Estadu tinan fiskál 2024 nian ne’ebé prejidi hosi Prezidente Komisaun B Parlamentu Nasionál Domingos Augusto ”’Deker.
Durante sesaun ne’e Ministru Interior, aprezenta programa prinsipál sira ne’ebé sei implementa iha tinan oin no-mos planu orsamentu ho alokasaun ba ninia kategoria mak hanesan, saláriu no vensimentu, ben servisu no-mós kapitál menór.
Ministru Interior akompaña husi kargu xefia sira halo audiénsia públika iha Komisaun Espesializada Permanente Komisaun B Parlamentu Nasionál
Audiénsia ho Komisaun B PN ne’ebé hala’o iha loron segunda ne’e, hetan mós akompañamentu hosi, Komandante Jerál PNTL, Komisáriu Jerál Henrique da Costa, Diretora Jerál Servisu Migrasaun, Adelaide da Rosa, Diretór Jerál Administrasaun Finansas, Mariano de Araujo, Komandante Komandu Administrasaun PNTL, Superintendente Xefi Natercia Martins, Inspetora Jerál Gabinete Inspesaun Auditoria Candida do Rosario da Costa Soares, inklui diretores nasionais tutela Ministériu Interior. #AX
