RAEOA, 27 novembru 2023 (SRP) -Ministru Interior, Franciscoda Costa Guterres, Ph.D, hamutuk ho Sekretariu Estadu Protesaun Sivil, Domingos Mariano Reis, partisipa Selebrasaun Misa agradesimentu ba komemorasaun Loron Proklamasaun Independensia 28 novembru iha Igreja Santo Antonio, RAEOA.
Misa agradesementu ne’e prejidi hosi reverendu Pe. Carlos de Deus, nudar Vigariu Foraneo no hetan akompañamentu hosi Amu Administrador Paroquia Nossa Señora do Rosario de Oecusse, Pe. Augusto Exposto.
Iha omilia, amu selebrante reverendu Pe, Augusto Expostu hateten tempu ona atu transforma timor oan hotu nia hanoin hodi halo revolusaun mental.
“Tempu ona atu halo revolusaun mental Identidade ida deit maka nasaun RDTL. Semak ukun serve povu ida deit. Se ita koalia dezenvolvimentu labele tuka deit to iha ponte Noefefan maibe lori dezenvolvimentu ne’e tama to iha povu ida-dak nia let, selae ema dehan ida sae ida tun hanesan deit”, esplika Amu Augusto iha iha Igreja Santo Antonio, ne’ebe lokaliza iha Suku Costa, Sub Rejiaun Pante Makasar, RAEOA.
Nia dehan, ukun nain sira labele haketak povu rai doben ida ne’e tanba ukun ne’e mai hosi kraik mak ba to’o leten.
“Vetenus iha papel importante iha konstrusaun estadu ida ne’e. Heroi moris sira mak hanesan veternus sira ne’ebe sei moris ne’e iha papel importante hodi apoiu dezenvolvimentu ekonomia nasaun ninian”, salienta.
Tuir nia veteranu sira hanesan Avo Nana ho timor oan barak dedika an extra ordinaria iha prosesu luta ba independensia, agora kontinua kontribui ba pás, estabilidade no dezenvolvimentu nasionál.
Hafoin remata misa, Ministru Interior ho komitiva akompaña hosi Konsellu Veteranu no Konsellu Suku, Diretores Jerais, Diretores Nasionais, inspetora jeral Komandu rejional, UPF, UEP, UPM, DNSPP, Corpo Bombeiro no sarani sira, kontinua lao ain hosi Oesono ba kari ai-funan iha Semiteriu Santa Cruz, Santa Rosa nian.. #(Oscar, AX).
