Díli, 25 agostu 2023 (SRP) – Ministru Interior (MI), Francisco da Costa Gueterres, Ph.D, hamutuk ho ekipa tékniku sira hosi Ministériu Interior, hala’o enkontru ho Konsellu Administrasaun Fundu Infraestrutura (CAFI-Sigla Portugés), no prezidi husi Munistru Planeamentu Investimentu no Estratejiku, nu’udar mós Prezidente CAFI, Gastão Francisco de Sousa, hodi hodi ko’alia kona-ba desijaun rezolusaun kontinua implementa obra Kuartel Jerál PNTL.
Objetivu prinsipál hosi enkontru ne’e hodi haree liu kona-ba pedidu autorizasaun no aprovasaun CAFI atu renova kontratu projetu supervizaun ba konstrusaun Kuartel Jerál Komandu PNTL ho númeru RFP/087/MI-2017: “Project Consulting Services for Construction Supervision and quality control of new Construction of Quartel-General PNTL.
Obra konstrusan ba Kuartel Jerál PNTL paradu durante tinan tolu ona hahú hosi loron 17 dezembru tinan 2020 tanba problema téknika iha parte fondasaun nian no rezultadu teste ba sampel spun pile la priense valor hodi responde ba pezu konstrusaun.
Hafoin hetan ona autorizasaun no aprovasaun hosi CAFI ekipa tékniku sira sei aprezenta fali projetu sira ne’ebé mak hanesan Konstrusaun Eskuadra PNTL Dom-Aleixo no-mós Postu Integradu UPF (Unidade Patrullamentu Fronteira) nian.
Reuniaun ordinária ne’ebé hala’o iha sala reuniaun MPIE, Fatuhada ne’e envolve mós Ministru Obras Públiku (MOP), Samuel Marçal, Ministru Transporte no Komunikasaun, Miguel Manetelu, tékniku sira hosi SGP (Sekretaria Grande Projetu), CNA (Komisaun Nasionál Aprovizionamentu), ADN (Ajénsia Dezenvolvimentu Nasionál).
Enkuantu Ministru Interior hetan akompañamentu hosi Diretor Jerál Administrasaun Finansas, Mariano de Araujo, Komandante Komandu Administrasaun PNTL Superintendente Xefi Polísia, Natercia Martins, inklui ekipa tékniku sira hosi Diresaun Nasionál Aprovizionamentu. #
Autor : Abui
Editor : Fatinha
Fotos : AX
